Politike

"Qytetarët do i japin përgjigjen që meriton më 22 dhjetor"/ Berisha: Rama ka marrë zemër sepse Kushtetuesja ka mbyllur çdo mundësi për hetimin e ministrave

Duke folur për gazetarët, pasi doli nga SPAK, Berisha tha se qytetarët shqiptarë me datën 22 dhjetor do të mblidhen në Tiranë për t’i dhënë përgjigjen vendimit të Ramës për të mos lejuar hetimin e parave të vjedhura.

15 Dhjetor 2025, 10:25 Nga E. D
"Qytetarët do i japin përgjigjen që meriton më 22
Sali Berisha

TIRANË- Kreu i Partisë Demokratike, Sali Berisha ka deklaruar se kryeministri Edi Rama ka marrë garanci për rastin e Balluku pasi Kushtetuesja vendosi në favor të saj. Duke folur për gazetarët, pasi doli nga SPAK, Berisha tha se qytetarët shqiptarë me datën 22 dhjetor do të mblidhen në Tiranë për t’i dhënë përgjigjen vendimit të Ramës për të mos lejuar hetimin e parave të vjedhura.

"Kjo i dha zemër Edi Ramës. Shikoni pse foli dje ai. Ai foli dje sepse pas vendimit të Gjykatës Kushtetuese, mbyllet absolutisht çdo mundësi e institucionit të hetimit të hetojë ministra. Ai mori garanci të plotë për këtë, sepse në rast se nuk ka pezullim, imunitetin dhe arrestimin ai nuk e lejon kurrë, siç nuk e lejoi në rastin e Saimir Tahirit. Pra, ajo masë e vetme që u kishte ngelur në duar institucionit të prokurorisë, ishte pezullimi.

Dhe këtë, pasi pariti Gjykatën Kushtetuese gjer në tjegulla, e bllokoi një masë të tillë. Një akt si ky nuk ka ndodhur kurrë. Por unë kam bindjen më të thellë se qytetarët shqiptarë me datën 22 dhjetor do të mblidhen në Tiranë për t’i dhënë përgjigjen më të merituar vendimit të Edi Ramës për të mos lejuar hetimin e parave që ka vjedhur me Belinda Ballukun," tha Berisha./Dosja.al

sali berisha edi rama

Sondazh

Poll

MË SHUMË