Politike

Berisha: Do caktojmë se kur do mblidhet Këshilli Kombëtar për vendimet mbi betejën përfundimtare për zgjedhje të lira dhe të ndershme

Gjatë fjalës së tij, Berisha bëri të ditur se ky forum do të shqyrtojë situatën politike dhe do të marrë vendime për betejën përfundimtare të partisë për zgjedhje të lira dhe të ndershme.

13 Dhjetor 2025, 14:35 Nga M.L
Berisha: Do caktojmë se kur do mblidhet Këshilli Kombëtar
Sali Berisha

TIRANA- Kryedemokrati Sali Berisha njoftoi gjatë mbledhjes së Kryesisë së PD-së se së shpejti do të caktohet data e mbledhjes së Këshillit Kombëtar. Gjatë fjalës së tij, Berisha bëri të ditur se ky forum do të shqyrtojë situatën politike dhe do të marrë vendime për betejën përfundimtare të partisë për zgjedhje të lira dhe të ndershme.

Berisha theksoi se PD nuk do të bëhet pjesë e asaj që e konsideron një farsë zgjedhore dhe se qëllimi mbetet rrëzimi i qeverisë aktuale. Ai gjithashtu nënvizoi se ekzistojnë dokumente dhe ligje ndërkombëtare që, sipas tij, dëshmojnë se procesi zgjedhor ka qenë i manipuluar.

"Së fundmi, kjo mbledhje duhet të caktojë në afatin e duhur kohor, thirrjen e Këshillit Kombëtar të PD për analizën e situatës ku jemi dhe për të përcaktuar me Këshillin Kombëtar, për të marrë vendime të tjera, dhe për t’i siguruar vendimet e kryesisë mbi përqendrimin e PD me të gjithë burimet, forcën, resurset e saj, në drejtim të një beteje përfundimtare për zgjedhje të lira dhe të ndershme.

Rrëzimin e qeverisë. Pra, alternativa do shkojmë ne drejt një farsë, secili duhet ta pyesë veten, dhe të bëhemi stoli në farsë, jo, nuk shkojmë. Kemi dokumentin ndërkombëtar, kemi ligjin ndërkombëtar që tregon se ishte farsë," tha Berisha./ Dosja.al

sali berisha

Sondazh

Poll

MË SHUMË