Politike

"Agjenda jonë është largimi i kësaj qeverie me të cilën nuk ka zgjedhje", Berisha: Kush nuk është në lartësinë e këtij misioni, del anash

Gjatë mbledhjes së Kryesisë, Berisha theksoi se qëllimi i protestës është krijimi i një qeverie teknike, duke theksuar se ata që do të marrin pjesë janë të bekuar, ndërsa të tjerët që nuk i bashkohen menjëherë mund të bashkohen më vonë.

13 Dhjetor 2025, 14:09 Nga M.L
"Agjenda jonë është largimi i kësaj qeverie me të
Sali Berisha, Flamur Noka

TIRANA- Kreu i PD-së, Sali Berisha, ka paralajmëruar demokratët që ose të angazhohen për protestën kombëtare më 22 dhjetor, ose të tërhiqen nëse nuk mund ta përkrahin. Gjatë mbledhjes së Kryesisë, Berisha theksoi se qëllimi i protestës është krijimi i një qeverie teknike, duke theksuar se ata që do të marrin pjesë janë të bekuar, ndërsa të tjerët që nuk i bashkohen menjëherë mund të bashkohen më vonë.

DEKLARATA:

Në këtë situatë, komplekse dhe të vështirë, kemi arritur disa arritje shumë të mëdha për ne në këtë betejë. Janë shtatë rezoluta ndërkombëtare që sanksionojnë Shqipërinë narkoshtet. Sanksionojnë zgjedhjet farsë elektorale, dhe pa u zhvilluar disa prej tyre. Sanksionojnë shtypjen dhe dhunimin e pluralizmit politik. Sanksionojnë rezultatin e zgjedhjeve të diktuar nga kartelet e drogës. Sanksionojnë persekutimin politik të opozitës.

Dhe kjo është një mëbshtetje e jashtëzakonshme. Është një mbështetje e jashtëzakonshme, të cilën nuk mund ta përdorim si opozitë qaramane, por do e përdorim si opozitë frymëzuese. Ato janë frymëzim për ne. Zëri dhe përpjekja jonë për të rikthyer votën e shqiptarëve, lufta jonë për këtë qëllim ka mirëkuptim dhe mbështetje. Ia dolëm në kushte të vështira, dhe ka të mërzitur për këtë, të realizojmë atë që realizuam në vitin 2001 me raportin e OSBE/ODIHR.

E mbrojtëm votën dhe ka qenë një betejë shumë e vështirë. Jashtëzakonisht e vështirë. Ka shumë faktorë që ndërhyjnë, por ai doli siç ishte, dhe u dha një kontribut shumë i madh. Unë mendoj se ai raport përbën bazën solide ligjore, përbën ligjin ndërkombëtar të përpjekjeve tona për qeveri teknike dhe zgjedhje të lira në këtë vend. Mazhoranca qëndron mbi zgjedhje të dhunuara. Është pseudomazhorancë, nuk është mazhorancë.

Kjo kërkon që çdo njëri prej nesh këtu, dhe çdo drejtues, ta ketë të qartë se çdo minutë, çdo orë dhe çdo ditë, agjenda jonë është rikthimi i votës, largimi i kësaj qeverie me të cilën nuk ka zgjedhje. Është sakrifica jonë për të larguar këtë qeveri që nuk lejon zgjedhjet. Është misioni ynë. Kush është në lartësinë e këtij misioni, angazhohet. Kush nuk i përgjigjet dot, del anash. Kush nuk do të ndjehet misionar, tërhiqet. Por rruga është jetike dhe vendimtare për opozitën shqiptare. Kështu që mendoj se data 22 dhjetor të jetë data e protestës së parë të përgjithshme kombëtare. Ne duhet ta kemi të qartë se kryefjala e agjendës tonë do jenë vetëm protestat. Nuk ka më asnjë shpresë përveç protestave./ Dosja.al

sali berisha

Sondazh

Poll

MË SHUMË