Politike

"Funksionet e mia të avokatit vazhdojnë derisa…"/ Gjyqi ndaj Erion Veliajt, avokati Artan Gjermeni tregon arsyen pse dha dorëheqjen

I ftuar në një intervistë në studion e News24, ai deklaroi se ishte pikërisht ky shkaku pse u largua nga dosja e Veliajt, duke shtuar se nuk realizoi dot të drejtat elementare të kryebashkiakut.

12 Dhjetor 2025, 15:23 Nga E. D
"Funksionet e mia të avokatit vazhdojnë derisa…"/
Artan Gjermeni

TIRANË- Avokati Artan Gjermeni ka treguar arsyen pse u dorëhoq nga çështja e Erion Veliajt, ditën e sotme, pas vendimit të GJKKO për rrëzimin e kërkesës së kryebashkiakut të Tiranës për të mos qëndruar pas kafazit prej qelqi në seancat gjyqësore dhe për tu njohur me aktet e dosjes.

I ftuar në një intervistë në studion e News24, ai deklaroi se ishte pikërisht ky shkaku pse u largua nga dosja e Veliajt, duke shtuar se nuk realizoi dot të drejtat elementare të kryebashkiakut.

Avokati gjithashtu theksoi se pretenduan trajtim me standarde të dyfishta të të pandehurve, duke e krahasuar rastin e Veliajt me atë të ish-Kreut të Shtetit, Ilir Meta për t’u njohur me aktet. Gjermeni shtoi se funksionet e tij si përfaqësues ligjor i Veliajt do vazhdojë derisa avokatja e caktuar të vazhdojë funksionin.

“Ky ishte shkaku pse unë dhashë dorëheqjen. Kur një avokat nuk realizon dot veprimet elementare, të drejtat elementare të një të pandehuri. Ne e paraqitëm me datën 2 na e rrëzuam dhe relatuam në seancën e sotme atë të datës 4 të Ilir Metës. Nuk kam të drejtë të abuzoj me këtë gjë, se pse është marrë ky vendim nga ana e Gjykatës. Nuk mundesh të lexosh 60 mijë faqe dhe t’ia relatosh personit që mbron," u shpreh avokati Gjermeni./Dosja.al

artan gjermeni

Sondazh

Poll