Politike

Ankimi i qeverisë për pezullimin e Belinda Ballukut! Nis seanca në Kushtetuese, sot afati i fundit

Javën e kaluar, Kolegji i Gjykatës Kushtetuese nuk arriti të marrë një vendim dhe çështja iu kalua trupës së plotë me 8 gjyqtarë.

12 Dhjetor 2025, 13:39 Nga M.L
Ankimi i qeverisë për pezullimin e Belinda Ballukut! Nis seanca
Rama, Balluku

TIRANA- Ka nisur në Gjykatën Kushtetuese seanca ku pritet të vendoset nëse do të merret në shqyrtim padia e qeverisë kundër vendimit të GJKKO-së, që pezulloi nga detyra zëvendëskryeministren, Belinda Balluku. Javën e kaluar, Kolegji i Gjykatës Kushtetuese nuk arriti të marrë një vendim dhe çështja iu kalua trupës së plotë me 8 gjyqtarë.

Qeveria kërkon që Kushtetuesja të zgjidhë mosmarrëveshjen e kompetencave me GJKKO-në dhe të shfuqizojë pezullimin e zyrtares së lartë.

Pritet që gjykata mund të marrë vendim edhe për kërkesën e qeverisë për pezullimin e vendimit të GJKKO-së deri në shqyrtimin e plotë të çështjes.

Balluku u pezullua nga detyra pasi u mor e pandehur për tenderin më vlerë 190 milionë euro për ndërtimin e tunelit të Llogarasë, akuzë që i është komunikuar zyrtarisht dhe dyshohet edhe për tenderin 20 milionë euro të lotit 4 të Unazës së Madhe të Tiranës.

Për të dy tenderët, me vlerë 210 milionë euro, sipas SPAK, Balluku ka paracaktuar fituesin përmes mbikëqyrjes dhe ndërhyrjes gjatë gjithë procesit të zhvillimit të garës. Çështja për Ballukun ka shkuar në Gjykatë Kushtetuese, ndërsa asaj i është hequr e drejta e firmës nga qeveria./ Dosja.al

belinda balluku

Sondazh

Poll

MË SHUMË