Aktualitet

Detaje nga aksioni i SPAK dhe Prokurorisë së Breshias, 10 persona në pranga, sekuestrohen 130 kg drogë dhe 10 makina

Mësohet se klanet shqiptare transportonin heroinë nga Shqipëria ndërsa kokainë nga Amerika e Jugut. Sipas hetimit të Guardia di Finanza, mallrat u transportuan nga klane shqiptare të çmontuara nga operacioni i sotëm. 

27 Nëntor 2025, 12:40 Nga I.A
Detaje nga aksioni i SPAK dhe Prokurorisë së Breshias, 10 persona
Foto Ilustruese

ITALI- Detaje të reja kanë dalë nga operacioni i përbashkët mes SPAK dhe Prokurorisë së Breshias ditën e sotme. Burime bëjnë me dije se droga shpërndahej në zonat e Palazzolo dhe Rovato, ku dhe ishin qendrat e trafikut të drogës. 

Mësohet se klanet shqiptare transportonin heroinë nga Shqipëria ndërsa kokainë nga Amerika e Jugut. Sipas hetimit të Guardia di Finanza, mallrat u transportuan nga klane shqiptare të çmontuara nga operacioni i sotëm. 

Njëzet e katër masa paraprake, nëntë prej të cilave u vendosën në burg, u kryen në Itali, Shqipëri, Francë dhe  Mbretërinë e Bashkuar. Po ashtu u sekuestruan mbi 3 milionë euro në asete. 

Hetimi, i koordinuar nga DDA e Brescias, u zhvillua në bashkëpunim të Drejtorisë Kombëtare Antimafia dhe Antiterrorizëm dhe Eurojust. Gjatë operacionit, u arrestuan 10 individë që i përkisnin bandës kriminale dhe u sekuestruan mbi 550,000 euro në para të gatshme, 10 makina, 1 pistoletë gjysmëautomatike dhe 130 kg drogë, përfshirë kokainë dhe heroinë./Dosja.al

aksioni i prokurorise se breshias prokuroria e breshias

Sondazh

Poll

MË SHUMË