Aktualitet

Merr fund operacioni antiterror në Orosh/ Dy armatosurit vetëdorëzohen pas 6 orësh në Fushë-Arrëz

Fillimisht, forcat e rendit tentuan kontaktin përmes vëllait dhe më pas motrës së njërit prej të rrethuarve, duke arritur t’i bindin që të dalin paqësisht nga objekti ku ishin strehuar.

24 Nëntor 2025, 20:38 Nga E. D
Merr fund operacioni antiterror në Orosh/ Dy armatosurit
pamje nga vendngjarja

OROSH- Julian Çumaraku dhe Arben Uka, dy personat e armatosur që prej mëngjesit që qëndruan të izoluar në një banesë të braktisur në fshatin Orosh të Fushë-Arrëzit, janë vetëdorëzuar pas disa orësh negociatash. Fillimisht, forcat e rendit tentuan kontaktin përmes vëllait dhe më pas motrës së njërit prej të rrethuarve, duke arritur t’i bindin që të dalin paqësisht nga objekti ku ishin strehuar.

Arben Uka dhe Julian Çumraku thuhet se kanë qenë më parë në Siri dhe i përkasin organizatave terroriste. Arben Uka i njohur edhe si Hamza Uka sipas informacionëve ka qenë edhe Komando në Ushtrinë shqiptare.

Policia e ka nisur aksionin që në orët e para të ditës në fshatin Orosh, që i përket njësisë administrative Qafë Mali, ku uniformat blu kanë rrethuar një banesë të braktisur prej vitesh. Më pas, Policia e Pukës ka kërkuar mbështetjen e forcave speciale RENEA, pasi brenda banesës ndodhen Juljan Cumrraku dhe Arben Uka, i njohur si Hamza Uka./Dosja.al

 

operacioni antiterror në orosh

Sondazh

Poll

MË SHUMË