Aktualitet

Paralizohet Prishtina, "zgjohet" sot pa transport publik! Punonjësit protestojnë para komunës, kryebashkiaku Rama drejton gishtin nga qeveria: Po mban peng pagesat

Ata kërkojnë zgjidhje të menjëhershme për problemet e vazhdueshme financiare që po ndikojnë në funksionimin e transportit publik.

24 Nëntor 2025, 11:05 Nga M.L
Paralizohet Prishtina, "zgjohet" sot pa transport publik!
Protesta

KOSOVA- Transportuesit privatë në Prishtinë dolën në protestë pas vendimit për pezullimin e të gjitha linjave, për shkak të mospagesës nga Komuna e Prishtinës. Ata kërkojnë zgjidhje të menjëhershme për problemet e vazhdueshme financiare që po ndikojnë në funksionimin e transportit publik.

Protestës iu bashkuan edhe punonjësit e Trafikut Urban, ndërsa kryetari i Prishtinës, Përparim Rama, shprehu mbështetje për kërkesat e transportuesve dhe kërkoi ndërhyrjen e qeverisë për të adresuar krizën financiare në kryeqytet.

“Më vjen shumë keq se në çfarë niveli na ka sjellë kjo qeveri me bllokadë dhe e ndjej shumë për të gjithë këta punëtorë këtu që janë të papaguar për punën që e keni bërë për gjithë këta muaj për me i shërbyer qytetarëve të kryeqytetit, përkundër sabotazheve, bllokadave. E di që edhe ne, sikur ju, sikur me pas rrogën tënde në bankë, e një zyrtar i bankës atje mos me t’i lëshura paret. Kështu edhe qeveria po bën ndaj komunës. Paratë tona, të cilat i kemi të gatshme, nuk po na i lëshon për me i kry detyrimet tona ndaj jush. Prandaj, problemi është atje”, tha Rama./ Dosja.al

protesta ne prishtine përparim rama

Sondazh

Poll

MË SHUMË