Aktualitet

Situata e rënduar nga moti i keq/ Vengu nga Saranda: 25 familje të evakuara në qytetin bregdetar, nuk ka asnjë person në kërkim apo të lënduar

Sipas ministrit, 25 familje janë evakuuar për shkak të situatës së rënduar dhe do të strehohen përkohësisht në çadra të ngritura nga strukturat e emergjencave civile.

21 Nëntor 2025, 21:15 Nga M.L
Situata e rënduar nga moti i keq/ Vengu nga Saranda: 25 familje të
Vengu

SARANDË- Ministri i Mbrojtjes, Piro Vengu, deklaroi nga Saranda, pas mbledhjes së komitetit të emergjencave, se është kryer tashmë evidentimi paraprak i dëmeve të shkaktuara nga përmbytjet e ditëve të fundit. Sipas ministrit, 25 familje janë evakuuar për shkak të situatës së rënduar dhe do të strehohen përkohësisht në çadra të ngritura nga strukturat e emergjencave civile.

VENGU: Kemi bërë një mbledhje të komitetit të emergjencave për bashkitë Sarandë, Delvinë Finiq dhe Konispol. Në orët e para të mëngjesit patëm një çarje në argjinaturën e Bistricës në Çuk dhe patëm përmbytje masive të tokave bujqësore dhe stalla me bagëti. Bëmë një evidentim të dëmeve që janë shkaktuar. Kemi koordinuar edhe Forcat e Armatosura të cilat kanë qenë në terren sot për të evakuar banorët dhe bagëtitë.

Nuk ka persona që janë dëmtuar dhe as në kërkim dhe kjo është pozitive. Kemi pasur një vërshim të ujrave në zonën e Sarandës, Finiqit dhe të Delvinës. Kemi 25 familje të evakuara në Sarandë dhe do të akomodohen qoftë me çadra ose për të gjetur një zgjidhje përfundimtare. Kemi një situatë më ndryshe në Finiq, e njëjta gjë vlen për Delvinën nuk i kemi lënë vetëm banorët./ Dosja.al

piro vengu mot i keq ne shqiperi sarande

Sondazh

Poll

MË SHUMË