Aktualitet

30 vite burg nga GJKKO dhe në kërkim ndërkombëtar! Trafikanti shqiptar i drogës bie në prangat e policisë spanjolle

I arrestuari, i cili kishte marrë një urdhër arresti në maj të këtij viti nga Gjykata e Posaçme Kundër Korrupsionit dhe Krimit të Organizuar, ishte arratisur nga Shqipëria për t’iu shmangur dënimit prej 30 vitesh burg.

21 Nëntor 2025, 17:19 Nga M.L
30 vite burg nga GJKKO dhe në kërkim ndërkombëtar!
Foto ilustruese

SPANJA- Policia spanjolle në Vigo ka arrestuar një të arratisur shqiptar, i cili ishte në kërkim nga autoritetet shqiptare për trafik droge dhe pjesëmarrje në grup kriminal. I arrestuari, i cili kishte marrë një urdhër arresti në maj të këtij viti nga Gjykata e Posaçme Kundër Korrupsionit dhe Krimit të Organizuar, ishte arratisur nga Shqipëria për t’iu shmangur dënimit prej 30 vitesh burg.

Fillimisht, shqiptari u ndalua për falsifikim dokumentesh, pasi u identifikua si shtetas kroat. Pas verifikimeve, u zbulua se ai ishte në kërkim nga INTERPOL-i. Hetimet zbuluan se që nga viti 2020, i arrestuari kishte kontaktuar me trafikantë droge për dërgesa të substancave narkotike drejt Italisë dhe kishte përdorur mjete për të fshehur drogën dhe për të vazhduar aktivitetin kriminal, përfshirë pajisje për bllokim sinjali.

Gjatë operacionit, në banesën e tij u sekuestruan 100 gramë heroinë dhe pajisje të ndryshme, ndërsa hetimet për të identifikuar rrjetin e bashkëpunëtorëve vazhdojnë. Me urdhër të Prokurorit Publik në Spanjë, shqiptari u paraqit në gjykatë për një proces të përshpejtuar, por masa e sigurisë u zbut, duke e lënë nën ndjekje në gjendje të lirë./ Dosja.al

policia spanjolle interpol

Sondazh

Poll

MË SHUMË