Aktualitet

E qëlluan me armë zjarri dhe më pas e dogjën/ Flet babai i Sulo Halili: I tha nuses do iki të marr patentën! Nuk ka pasur konflikte me askënd

Babai i 27-vjeçarit tha se ishte bashkëshortja e viktimës, me të cilën kishte dy fëmijë, 1 muajsh dhe 3 vjeç, që i tha se Sulo nuk po kthehej në banesë. Ai rrëfeu se ditën e zhdukjes i biri kishte shkuar me një shok për të marrë patentën.

18 Nëntor 2025, 12:33 Nga E. D
E qëlluan me armë zjarri dhe më pas e dogjën/ Flet babai i
viktima, i ati

TIRANË- Babai i Sulo Halilit, trupi i të cilit është gjetur i shkrumbuar brenda një automjeti në Skourta të Greqisë (Beoti), ka rrëfyer se si e mori vesh lajmin për zhdukjen e tij dhe personin e fundit që i biri ka takuar. Duke folur në emisionin “Me zemër të hapur” në News24, babai i 27-vjeçarit tha se ishte bashkëshortja e viktimës, me të cilën kishte dy fëmijë, 1 muajsh dhe 3 vjeç, që i tha se Sulo nuk po kthehej në banesë. Ai rrëfeu se ditën e zhdukjes i biri kishte shkuar me një shok për të marrë patentën.

"Nusja kishte telefonuar kunatën dhe i kishte thënë që thuaj babit “spo vjen Sulo”. Më pas më mori në telefon dhe tha që ishte zhdukur. Kishte shkuar në punë, u kthye në shtëpi dje i tha nuses do iki të marr patentën. U nis me një shok të tijin, atje la shokun e tij dhe më pas ku shkoi nuk e dimë. Kur ai e mori në telefon, ishte fikur. Nuk ka pasur konflikte me askënd, nuk e ka kërcënuar njeri.

Na bënë edhe gruan të vdekur. Nusen e kam në shtëpi, ai nuk i ka lënë asnjë përshtypje për këto çështje. Djalin nuk di ta ketë kërcënuar askush. Hera e fundit që erdhi në Shqipëri ishte në shtator, dhe më pas iku në Greqi. Kishte gati 7-8 vite që kishte shkuar atje, ndërsa i martuar kishte 4 vite. U njohën vetë me djalin tim, s’kanë pasur konflikte, kanë dy fëmijë bashkë," tha babai i Sulo Halilit.

Ai u pyet gjithashtu se nëse ka folur me shokun e të birit.

"Më tha që e çova në Kalkidha, më la në kafene dhe iku, më tha do kthehem prap. Pastaj telefoni i doli i fikur. Nuk ka pasur probleme as në Shqipëri dhe as në Greqi," tha u shpreh babai i viktimës./Dosja.al

sulo halili

Sondazh

Poll