Politike

Hetimet për 21 Janarin! SPAK thërret të premten Sali Berishën në cilësinë e personit në dijeni

Bëhet me dije se Berisha është thirrur të paraqitet të premten në SPAK në cilësinë e personit në dijeni.

10 Nëntor 2025, 14:14 Nga M.L
Hetimet për 21 Janarin! SPAK thërret të premten Sali
Berisha

TIRANA- Prokuroria e Posaçme Kundër Korrupsionit dhe Krimit të Organizuar (SPAK) ka dërguar një fletëthirrje për ish-kryeministrin Sali Berisha, në kuadër të hetimeve që po zhvillohen për ngjarjet e 21 janarit 2011. Bëhet me dije se Berisha është thirrur të paraqitet të premten në SPAK në cilësinë e personit në dijeni.

Hetimet për 21 Janarin! SPAK thërret të premten Sali

Hetimet për 21 Janarin! SPAK thërret të premten Sali

Çështja "21 janari"

Më 21 janar 2011, në një protestë të organizuar nga Partia Socialiste, asokohe në opozitë, u vranë nga Garda e Republikës 4 protestuesit Ziver Veizi, Faik Myrtaj dhe Hekuran Deda dhe Aleks Nika. Kryeministri i kohës, Sali Berisha deklaroi se opozita kishte përgatitur një "grusht shteti" për të rrëzuar qeverinë, ndërsa opozita akuzoi qeverinë se vrau 4 qytetarë të pafajshëm.

Në hetimin që u bë për vrasjen e protestuesve, të pandehur u morën Ndrea Prendi dhe Agim Llupo, ndërsa gjykata vlerësoi me vendim se vrasjet kanë ndodhur nga pakujdesia. Të dy të pandehurit u dënuan, ish-komandanti i Gardës, Ndrea Prendi me 1 vit ndërsa gardisti Agim Llupo me 3 vite burg./ Dosja.al

sali berisha ne spak 21 janari

Sondazh

Poll