Politike

“Numërimi u krye me sukses nga AI”/ Shpallja e rezultateve në 5 bashkitë e vendit, Celibashi: Do duhet të ndryshohet kodi zgjedhor…

Sipas Celibashit, përdorimi i teknologjisë së avancuar nuk do të zëvendësonte plotësisht komisionerët apo numëruesit, por do të mund të ndihmonte në rritjen e efikasitetit dhe transparencës së procesit.

10 Nëntor 2025, 13:30 Nga M.L
“Numërimi u krye me sukses nga AI”/ Shpallja e rezultateve
Celibashi

TIRANA- Kryekomisioneri Ilirjan Celibashi nuk e ka përjashtuar mundësinë që në të ardhmen inteligjenca artificiale të përdoret në procesin zgjedhor. Ai ka theksuar se aplikimi i saj mund të shërbejë në disa aspekte të organizimit dhe administrimit të zgjedhjeve, përfshirë procesin e numërimit dhe vlerësimit të fletëve të votimit.

Sipas Celibashit, përdorimi i teknologjisë së avancuar nuk do të zëvendësonte plotësisht komisionerët apo numëruesit, por do të mund të ndihmonte në rritjen e efikasitetit dhe transparencës së procesit.

“Ndoshta për të gjithë duhet sqaruar se Ai në rastin e zgjedhjeve, mund  të përdoret për shumë aspekte. Ne e pamë si me dobi pa përdorur për numërim dhe vlerësim të fletëve të votimit. Përdorimi i AI nuk shmang nga pikëpamja teknike komisionerët apo numëruesit de duhet të jetë dikush që i shfaq fletët e votimit përpara kamerës.

Në kuptim të kohës dhe saktësisë, për gjykimin tonë, do të ishte e udhës që të përdorej në të ardhmen. Nëse përdorim pajisje elektronike të numërimit dhe vlerësimit, këtë proces e kryen vetë pajisja përkatëse. Për sa kohë që AI po përdoret në shumë aspekte të jetës globale, nuk ka asnjë arsye pse dhe në proceset zgjedhore të mos përdoret. Pastaj në cilin moment apo aspekt do të diskutohet. E bëmë këtë test, as të nxitur dhe as të frymëzuar nga praktika t të 3-tëve. E ka sjellë zhvillimi global si mundësi për ta përdorur këtë risi. S’ka asnjë arsye që të kishim droje për të hezituar për ta testuar përdorimin e AI. Tej qasjeve sarkastike të dikujt, ne vlerësojmë që do t’ia vlejë në të ardhmen”, tha Celibashi.

ilirjan celibashi zgjedhjet e pjesshme

Sondazh

Poll