Politike

Hapja e Edicionit të 10-të të Shkollës së Integrimit Europian! Balla: Kjo mbetet rruga jonë strategjike dhe qëllimi ynë i përbashkët, për një Shqipëri të fortë

Balla theksoi se Shqipëria është më e angazhuar se kurrë për të avancuar në rrugën e integrimit europian dhe për të forcuar vlerat kryesore të Bashkimit Europian, si paqja, demokracia, solidariteti dhe bashkëpunimi ndërmjet kombeve.

10 Nëntor 2025, 11:12 Nga M.L
Hapja e Edicionit të 10-të të Shkollës së Integrimit
Taulant Balla

TIRANA-  Kryetari i Grupit Parlamentar të Partisë Socialiste, Taulant Balla, mori pjesë sot në ceremoninë e hapjes së Edicionit të 10-të të Shkollës së Integrimit Europian, organizuar nga Këshilli Kombëtar i Integrimit Europian pranë Kuvendit të Shqipërisë. Balla theksoi se Shqipëria është më e angazhuar se kurrë për të avancuar në rrugën e integrimit europian dhe për të forcuar vlerat kryesore të Bashkimit Europian, si paqja, demokracia, solidariteti dhe bashkëpunimi ndërmjet kombeve.

Ai nënvizoi se integrimi europian mbetet një objektiv strategjik për vendin.

“Integrimi europian mbetet rruga jonë strategjike dhe qëllimi ynë i përbashkët - për një Shqipëri më të fortë në një Europë të bashkuar. E ardhmja nuk do të ndërtohet mbi ndarjen e shteteve kombëtare, por mbi bashkimin e tyre në një federatë evropiane.

Kjo shkollë ka qenë një investim i çmuar në formimin e brezit të ri që do të çojë përpara projektin më të madh kombëtar të këtij brezi, anëtarësimin e Shqipërisë në Bashkimin Europian.

Procesi i integrimit është një proces gjithëpërfshirës, që kërkon bashkëpunimin e të gjitha forcave politike dhe institucioneve. Anëtarësimi në BE nuk është thjesht një objektiv qeveritar, por një projekt kombëtar që i përket çdo shqiptari.

Ky përvjetor nuk është vetëm një moment reflektimi për rrugën e bërë, por një pikënisje e re drejt një etape më të pjekur të procesit tonë europian”, tha Balla.

taulant balla

Sondazh

Poll

MË SHUMË