Politike

Zgjedhjet e pjesshme lokale/ Rama gjen arsyet e pjesëmarrjes së ulët: Dobësia ekstreme e Opozitës dhe moti me shi

Në një postim në Facebook, ai i cilësoi rezultatet si pesë fitore dhe pesë arsye për të falënderuar qytetarët për besimin e dhënë.

10 Nëntor 2025, 10:02 Nga M.L
Zgjedhjet e pjesshme lokale/ Rama gjen arsyet e pjesëmarrjes së
Edi Rama

TIRANA- Pas përfundimit të numërimit në pesë bashkitë ku u mbajtën zgjedhjet e pjesshme, kryeministri Edi Rama përgëzoi kandidatët e Partisë Socialiste për fitoret e tyre. Në një postim në Facebook, ai i cilësoi rezultatet si pesë fitore dhe pesë arsye për të falënderuar qytetarët për besimin e dhënë.

Rama gjithashtu vuri në dukje se dobësia e opozitës, moti me shi dhe natyra e zgjedhjeve të pjesshme ndikuan në pjesëmarrjen e ulët të votuesve.

"5 bashki; 5 fitore; dhe 5 arsye më shumë për t’i falenderuar qytetarët për besimin e tyre, pavarësisht dobësisë ekstreme të opozitës, motit me shi të ditës se djeshme, apo vetë natyrës së zgjedhjeve të pjesshme, të cilat nuk se e stimulojnë pjesëmarrjen.

Urime kryebashkiakëve të rinj, nga Bruna, gruaja e parë që do të drejtojë bashkinë e Vlorës; Ervini i dytë i Beratit, i cili me mbi 83% të votave dhe 13 049 vota nga 15 454 të PS në 11 maj për bashkinë Berat, ka arritur një rezultat mbresëlënës; Florenci në Cërrik, Gramozi në Tepelenë dhe Altini në Mat, që të tre me rezultate kuptimplota, të cilat janë një themel i fortë i punës që do të pasojë në shërbim të atyre komuniteteve," shkruan Rama. 

edi rama

Sondazh

Poll

MË SHUMË