Aktualitet

Vendimi i Kushtetueses për Veliajn! Altin Dumani: Nuk ka lidhje dhe as ndikim në hetimet tona! Nuk dua të futem në detaje...

Gjatë një interviste për emisionin “Trialog”, ai sqaroi se vendimmarrjja e Kushtetueses nuk lidhet në asnjë mënyrë me masën e sigurisë apo procedurat penale që SPAK ka në proces ndaj Veliajt.

5 Nëntor 2025, 23:03 Nga M.L
Vendimi i Kushtetueses për Veliajn! Altin Dumani: Nuk ka lidhje dhe as
Altin Dumani

TIRANA- Kreu i SPAK, Altin Dumani theksoi se vendimi i Gjykatës Kushtetuese për Erion Veliajn nuk ka ndikim mbi hetimet që po zhvillon SPAK. Gjatë një interviste për emisionin “Trialog”, ai sqaroi se vendimmarrjja e Kushtetueses nuk lidhet në asnjë mënyrë me masën e sigurisë apo procedurat penale që SPAK ka në proces ndaj Veliajt.

Sakaq ai theksoi se SPAK nuk ndjek axhenda politike në ndjekjen penale apo hetimin e zyrtarëve të lartë.

“Gjykata Kushtetuese ka pasur objekt tjetër për shqyrtim vendimin për shkarkimin dhe dekretin e presidentit. Nuk ka asnjë lidhje me çështjen që po ndjekim penalisht dhe nuk ka asnjë ndikim në hetimet tona apo edhe në masën e sigurisë që rëndon ndaj z. Veliaj. Nuk dua të futem në detaje është gjykata ajo që vendos që nëse vazhdojnë të ekzistojnë kriteret e caktimit të masës së sigurisë, kritere që përcaktohen nga Kodt i Procedurës Penale.

“Ne nuk kemi axhendë politike dhe si institucion para se të ngremë një akuzë apo para se t’i drejtohemi gjykatës me kërkesë për caktim mase, nuk matim temperaturat politike. Çdo prokuror i posaçëm fokusohet te provat dhe nëse provat janë mjaftueshme dhe nëse përcaktohen edhe kriteret apo kushtet për të caktuar një masë sigurimi ne i drejtohemi gjykatës dhe ju prezantoni rastet të cilët janë hetuar me masë sigurimi por ka raste të tjera që hetohen në gjendje të lirë pavarësisht përkatësive politike”, tha Dumani./ Dosja.al

altin dumani spak erion veliaj gjykata kushtetuese

Sondazh

Poll

MË SHUMË