Aktualitet

Dumani: Për Prokurorinë e Posaçme, përfundimi më i mirë i Reformës në Drejtësi është përjashtimi i ndikimit politik

Gjatë intervistës për emisionin “Trialog”, ai vuri në pah se pavarësia e prokurorëve të SPAK-it, si nga drejtuesit brenda prokurorisë, ashtu edhe nga faktorë të jashtëm, ka qenë vendimtare për funksionimin e institucionit.

5 Nëntor 2025, 22:48 Nga M.L
Dumani: Për Prokurorinë e Posaçme, përfundimi më i
Altin Dumani

TIRANA- Kreu i Strukturës së Posaçme Kundër Korrupsionit dhe Krimit të Organizuar (SPAK), Altin Dumani theksoi rëndësinë e pavarësisë së drejtësisë nga ndikimet politike, duke e cilësuar si arritjen kryesore të Reformës në Drejtësi. Gjatë intervistës për emisionin “Trialog”, ai vuri në pah se pavarësia e prokurorëve të SPAK-it, si nga drejtuesit brenda prokurorisë, ashtu edhe nga faktorë të jashtëm, ka qenë vendimtare për funksionimin e institucionit.

Dumani shtoi se kjo pavarësi, e garantuar nga Kushtetuta dhe ligjet në fuqi, kontribuon në efektivitetin e ndjekjes penale dhe luftën kundër krimit të organizuar dhe korrupsionit, duke e shoqëruar gjithashtu me llogaridhënie. Sa i përket raportimit në Kuvend, Dumani theksoi se ligji aktual nuk e parashikon qartë këtë, pasi drejtuesi i SPAK zgjidhet nga Këshilli i Lartë i Prokurorisë dhe jo nga Kuvendi.

“Vlerësoj se duhet ruajtur kjo pavarësi ndaj institucionit të prokurorisë. Aktualisht kjo pavarësi është e garantuar nga Kushtetuta e Shqipërisë dhe nga ligjet e tjera. Të ruhet, pasi kontribuon në pasjen e ndjekjes penale, si dhe rezultate konkrete në luftën kundër krimit të organizuar dhe korrupsionit. Kjo pavarësi shoqërohet edhe me llogaridhënie.

Unë pavarësisht seancave të gjata, pyetjeve që nuk duhet të bëhen, vlerësoj që deputetët kanë në të drejtën e tyre që të informohen për punën e institucionit, të adresojnë shqetësimet që kanë ata në raport me vijueshmërinë e institucionit“, tha Dumani.

altin dumani spak raportimi ne kuvend

Sondazh

Poll

MË SHUMË