Politike

"Çfarë turpi për drejtësinë ndërkombëtare", Rama për ish-krerët e UÇK: Shqipsharësit digjitalë e trajtojnë Thaçin si armik poltitik! Hashimi u bë njësh me lirinë e Kosovës

Përmes një reagimi në Facebook, Rama shkruan se Gjykata Speciale në Hagë ka dalë komplet nga binarët për të cilët u ngrit.

28 Tetor 2025, 10:45 Nga I.A
"Çfarë turpi për drejtësinë
Foto ilustruese

TIRANA- Kryeministri Edi Rama ka reaguar ashpër për qëndrimin e shqiptarëve në rrjetet sociale, që sipas tij e trajtojnë Hashim Thaçin si armik politik. Përmes një reagimi në Facebook, Rama shkruan se Gjykata Speciale në Hagë ka dalë komplet nga binarët për të cilët u ngrit. Në fund, Rama thekson se kur gjykatës në Hagë t'i ketë mbetur vetëm njolla e turpit, emri i Thaçit do të mbahet përgjithnjë si dikush që u bë njësh me fatin, lirinë dhe pavarësinë e Kosovës. 

"A nuk është e tmerrshme ta mendosh se shpëtimtarët e një kohe kur vetë ekzistenca e Kosovës ishte në tehun e thikës së gjatë të padrejtësisë historike ndaj shqiptarëve, duhet të paraqiten para një gjykate të dalë krejt nga objekti për të cilin u ngrit, për të dëshmuar se lufta për liri nuk është krim, se rebelimi ndaj një diktature nacional-socialiste nuk është faj, se shteti i ri e sovran i Kosovës nuk ka dalë nga barku i një ndërmarrjeje kriminale, po nga gjaku i një ushtrie çlirimtare?!

Çfarë turpi për drejtësinë ndërkombëtare dhe edhe më zi për shqipsharësit digjitalë, tifozë të verbuar prej budallakisë kinse patriotike, që edhe mbrapa hekurave të kësaj padrejtësie ulëritëse, e shohin dhe trajtojnë Hashim Thaçin si armik politik, e urojnë të mos dalë më kurrë prej aty; ndërkohë që kur atyre t’u jetë harruar nami e nishani dhe asaj gjykate t’i ketë mbetur vetëm njolla e turpit të historisë, emri i Hashimit do të mbetet përgjithnjë si emri i njeriut që u bë njësh me fatin, lirinë dhe pavarësinë e Kosovës," shkruan Rama. 

edi rama hashim thaçi

Sondazh

Poll

MË SHUMË