Aktualitet

Shtyhet seanca në GJKKO ndaj ish-kryebashkiakut Erion Veliaj, e radhës mbahet më 12 nëntor

Mësohet se avokati i tij i ri, Artan Gjermeni krahas avokatit paraardhës Ermir Beta, do kohë të njihet me aktet. Sakaq seanca e radhës është parashikuar të mbahet më datë 12 nëntor në orën 09:00.

28 Tetor 2025, 10:58 Nga M.L
Shtyhet seanca në GJKKO ndaj ish-kryebashkiakut Erion Veliaj, e radhës
Erion Veliaj

TIRANA- Seanca paraprake për Erion Veliajn dhe të pandehurit e tjerë është shtyrë sërish sot në GJKKO. Mësohet se avokati i tij i ri, Artan Gjermeni krahas avokatit paraardhës Ermir Beta, do kohë të njihet me aktet. Sakaq seanca e radhës është parashikuar të mbahet më datë 12 nëntor në orën 09:00.

Kryebashkiaku i Tiranës Erion Veliaj u arrestua në zyrën e Bashkisë më 10 shkurt si i dyshuar për kryerjen e veprës penale të “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë), “Pastrimi i produkteve të veprës penale ose veprimtarisë kriminale” dhe “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”. Bashkëshortja e kryebashkiakut, Ajola Xoxa është lënë në masë sigurimi "detyrim paraqitje". 

Sipas SPAK nga të dhënat konkrete të mbledhura deri në këtë fazë të hetimit paraprak, në mënyrë të përmbledhur rezulton se, nga personat nën hetim, specifikisht Veliaj edhe bashkëshortja e tij është ideuar, krijuar dhe vënë në funksionim një mekanizëm që ka synuar dhe ka bërë të mundur, në praktikë, marrjen e përfitimeve të parregullta, të cilat burojnë nga fondet publike që administrohen nga Bashkia Tiranë, përmes titullarit të saj, me qëllim pasurimin personal të këtij të fundit dhe familjes së tij, përmes veprimeve të kamufluara dhe të  kundërligjshme./ Dosja.al

erion veliaj

Sondazh

Poll

MË SHUMË