Politike

"Prokuroria ka dështuar"/ Tedi Blushi: Sot 2/3 e të arrestuarve që ndodhen në burgje, janë të paraburgosur

Në fund, Bludhi theksoi se drejtësia ose është për të gjithë, ose mos të jetë fare.

27 Tetor 2025, 16:11 Nga E. D
"Prokuroria ka dështuar"/ Tedi Blushi: Sot 2/3 e të
Tedi Blushi

TIRANË- Deputeti i PL-së Tedi Blushi, deklaroi se 2/3 e të arrestuarve që ndodhen në burgje, janë të paraburgosur. Gjatë fjalës së tij në Kuvend, Blushi tha se u është privuar liria jo se kanë shkelur ligjin, por se Prokuroria e Përgjithshme ka dështuar dhe ka përmbushur vullnetin e Edi Ramës. Në fund, Bludhi theksoi se drejtësia ose është për të gjithë, ose mos të jetë fare.

“Raporti i fundit i Prokurorisë së Përgjithshme, nuk është vetëm një dokument me statistika, por një raport i ndërtuar mbi jetë njerëzish, dramsh dhe tragjedi familjare dhe shoqërore. Çdo numër në atë raport është një nënë që pret djalin e saj pas hekurave. Sot 2/3 e të arrestuarve që ndodhen në burgje, janë të paraburgosur dhe 1/3 pa akuza. U është privuar liria jo se kanë shkelur ligjin, por se Prokuroria e Përgjithshme ka dështuar dhe ka përmbushur vullnetin e Edi Ramës, burg, burg, burg..

A i heton prokuroria se kush po i mbush çantat e fëmijëve me drogë edhe thika apo se kush po i vret në oborret e shkollave. Në shkollat e Shqipërisë, gjen më shumë armë dhe drogë, sesa libra Kush heton për këtë fakt? Kur drejtësia kthehet në vegël politike, ajo nuk është gje tjetër, veçse një armike e interesit publik. Drejtësia ose është për të gjithë, ose mos të jetë fare”, tha Blushi./Dosja.al

tedi blushi

Sondazh

Poll