Politike

Tomorr Alizoti: Po ndodh precedenti i dytë, dua të pyes drejtpërdrejtë Dumanin dhe nuk po e lejoni

Në seancën e sotme parlamentare, Alizoti theksoi se kjo është hera e parë në 32 vite që deputetëve u mohohet e drejta për të pyetur raportuesit, duke e cilësuar këtë si një precedent shqetësues.

27 Tetor 2025, 11:19 Nga I.A
Tomorr Alizoti: Po ndodh precedenti i dytë, dua të pyes
Tomorr Alizoti

TIRANË- Deputeti i Partisë Demokratike, Tomorr Alizoti, ka kërkuar që deputetët të kenë mundësinë të drejtojnë pyetje drejtpërdrejt përfaqësuesve të institucioneve të rëndësishme që raportojnë në Kuvend. Në seancën e sotme parlamentare, Alizoti theksoi se kjo është hera e parë në 32 vite që deputetëve u mohohet e drejta për të pyetur raportuesit, duke e cilësuar këtë si një precedent shqetësues.

“Hera e parë në 32 vite që nuk mund të pyesim raportuesit e thirrur në Kuvend. Ne duam të pyesim përfaqësuesit e institucioneve, pasi Shqipëria është Republikë Parlamentare. Kjo ndodh dhe në vendet europiane. Po ndodh precedenti i dytë. Ju pse e hiqni këtë të drejtë? Ne nuk duhet t’i pyesim ata drejtpërdrejt, por do t’i dorëzojmë ato me listë. Atëherë edhe ne si deputetë të dorëzojmë dosjet tona me fjalime, dhe t’i lexoni ju,” tha Alizoti./Dosja.al

tomorr alizoti seance plenare 27 tetor 2025

Sondazh

Poll