Politike

"Këneta, e dëshpëruar! Ka nxjerrë kandidat një aktor humori", Rama për Florjan Binajn: Në Kongresin e PS na shkriu gazit

Gjatë fjalës së tij në episodin e katërt të sezonit të pestë të podcastit "Flasim", Rama tha Paria Demokartike është aq e "dëshpëruar" sa ka nxjerrë  kandidat një aktor humori.

26 Tetor 2025, 09:44 Nga E.d
"Këneta, e dëshpëruar! Ka nxjerrë kandidat një
Edi Rama

TIRANË-Kryeministri Edi Rama ka komentuar kandidaturën e Florjan Binajt për Bashkinë e Tiranës. Gjatë fjalës së tij në episodin e katërt të sezonit të pestë të podcastit "Flasim", Rama tha Partia Demokartike është aq e "dëshpëruar" sa ka nxjerrë  kandidat një aktor humori.

Në fund ai tha se nuk e gjykon aktorin për rolin që ka marrë. Por, sipas tij Ogerta Manastirliu është ajo që do ti japë drejtimin e duhur Tiranës.

“Është një risi absolute e zgjedhjeve të parakohshme vendore kandidimi i dy grave për Tiranën dhe Vlorën, dy qytete të dorës së parë për Shqipërinë, që do të drejtohen nga dy gra, të cilat kanë një karrierë shumë të ngjashme në një periudhë të caktuar kur kanë drejtuar respektivisht rilindjen e Qendrës Spitalore Universitare dhe të Spitalit Rajonal të Vlorës, dy realitete të transformuara tërësisht falë kapacitetit të tyre menaxherial dhe sidomos vullnetit të tyre të hekurt.

Ato janë të dyja fituese të padiskutueshme të garave, ku kundërshtarët përfaqësojnë shembëlltyrën më kuptimplote të humbjes së radhës, të ndjesë pastë Partia Demokratike.

Këneta është kaq e dëshpëruar, sa për Tiranën ka nxjerrë një aktor humori në rolin e një kandidati gjoja të pavarur, që për vite të tëra i ka bërë për të qeshur të gjithë, madje edhe vetë Kongresin e Partisë Socialiste, ku ka ardhur njëherë për të luajtur rolin tim.

Prandaj, nuk e gjykoj fare keq aktorin për rolin e ri që ka marrë, se aktorët këtë punë kanë, me role jetojnë. Por kush voton mua dhe Partinë Socialiste, do të votojë Ogertën, që t’i japë Tiranës drejtuesen e duhur dhe qeverisë partneren e duhur në krye të bashkisë, për të vazhduar punën transformuese për kryeqytetin e Shqipërisë 2030”, tha Rama./Dosja.al

edi rama ps ogerta manastirliu

Sondazh

Poll