Salianji tha se Binaj po merr mbështetje masive në kryeqytet dhe këtë ai e shihte edhe nga takimet që ka zhvilluar vetë me qytetarët, duke mbështetur kandidatin e pavarur.
TIRANË- Ish-deputeti i Partisë Demokratike, Ervin Salianji ka folur për garën për Bashkinë e Tiranës. I ftuar në emisionin “Kjo Javë” në News24, Salianji tha se Binaj po merr mbështetje masive në kryeqytet dhe këtë ai e shihte edhe nga takimet që ka zhvilluar vetë me qytetarët, duke mbështetur kandidatin e pavarur.
Ai shtoi se do të jetë në fushatën e Tiranës në mbështetje të kandidatit të pavarur, duke u angazhuar në Njësinë 6, zonën e Kombinatit e cila njihet si bastion i të majtës. Sakaq, duke rrëfyer se si u prit nga mbështetësit dhe simpatizantët demokratë pas daljes nga burgu, Salianji tha se mungesa në takime prej një kohe të gjatë ka bërë që mbështetja drejt tij të jetë masive.
“Jam dhe do të jem në zgjedhjet e Tiranës, për të mbështetur kandidatin e pavarur Florjan Binaj, një kandidat i shkëlqyer i mbështetur nga opozita. Shoh një mbështetje masive tek njerëzit. Ka një padurim të njerëzve dhe pyetja kryesore e tyre është: Kur do të ikë Rama?
PS në Tiranë është 48.2%. Të gjitha të dhënat janë që Florjan Binaj të jetë kryetari i ri i Bashkisë së Tiranës për shkak të mbështetjes masive. Edhe ata që nuk e duan z.Berisha, duke votuar Binajn i japin mundësi për të treguar edhe PD-së, edhe shoqërisë që duhet të ketë ndryshime dhe profile të këtij lloji.
Është mundësi e artë për qytetarët e Tiranës t’i tregojë të gjithë shoqërisë që një kandidat që nuk i nënshtrohet urdhrave të partive politike, por vjen si një nevojë e shoqërisë, por edhe si fakt i angazhimit të madh në kauza publike, të votohet dhe t’i tregohet partive kjo është rruga e duhur dhe boll se na keni lodh. Unë do të jem në fushatë në zonën e Kombinatit, në Njësinë 6.
Kam nisur takimet, do të jem në mbështetje të tij në një zonë të caktuar sipas organizimit që ka bërë PD, në mbështetje të kandidatit të pavarur. Nuk ka diskutim që tek njerëzit ka një mbështetje masive dhe një lloj ndjeshmërie që e kuptoj në takime. Mund të jetë mall apo përmallim për shkak të mungesës së takimit fizik për një periudhë të caktuar. Unë kam qenë gjithë kohës në takime. Ka një mbështetje dhe nga ana e kolegëve. Kam qenë në një takim në Korçë dhe ka qenë e pranishme e gjithë struktura e lartë e PD, të gjithë kolegët deputetë”, tha Salianji./Dosja.al
Ditmir Bushati TIRANË- Ambasador Edward Djerejian ka punuar për tetë administrata amerikane në disa role shumë të rënd&e...
foto ilustruese TIRANË- Siguria dhe mirëmbajtja rrugore kanë qenë gjithmonë në fokusin e Autoritetit Rrugor Shqiptar, por ta...
Vjosa Osmani BERLIN- Presidentja e Kosovës Vjosa Osmani, e cila qëndron këto ditë në Berlin në një intervistë p&eum...
Foto ilustruese KOSOVA- Komisioni Qendror i Zgjedhjeve e ka miratuar listën e votuesve e për raundin e dytë të zgjedhjeve për krye...
Foto ilustruese TIRANA- Afati për regjistrimin e kandidatëve që do të marrin pjesë në zgjedhjet e pjesshme lokale të 9 n...
Balluku-Rama TIRANA- Kryeministri Edi Rama ka reaguar për herë të parë lidhur me thirrjen e zëvëndëskryeministres Belind...
Foto ilustruese TIRANA- Grupi Parlamentar i Partisë Demokratike është mbledhur për të diskutuar qëndrimin që do të ...
Flamur Noka TIRANA- Partia Demokratike zhvilloi mbledhjen e Grupit Parlamentar dje, ku kanë diskutuar për dy seancat e javës që vj...
Bardhi-Berisha TIRANA- Transkriptet e diskutimeve të zbardhura nga gazetari Osman Stafa, brenda Grupit Parlamentar të Partisë Demokrati...
Foto ilustruese TIRANA- Qeveria shqiptare po harton për herë të parë një kuadër ligjor për lobimin, me qëllim ...