Bota

Aksident tragjik në Afrikë! Dy autobusë përplasen 'kokë më kokë', 46 të vdekur dhe dhjetëra të plagosur në autostradën Kampala-Gulu

Dy autobusë që po udhëtonin në drejtime të kundërta u përfshinë në një përplasje ballë për ballë, ndërsa përpiqeshin të parakalonin një kamion dhe një automjet tjetër.

22 Tetor 2025, 17:51 Nga M.L
Aksident tragjik në Afrikë! Dy autobusë përplasen
Foto nga vendngjarja

AFRIKË- Një aksident i rëndë rrugor ka ndodhur në Ugandë, duke lënë të vdekur 46 persona dhe dhjetëra të tjerë të plagosur, sipas njoftimit të Forcës së Policisë së Ugandës. Ngjarja tragjike ndodhi rreth orës 00:15 me orën lokale (21:15 GMT) në autostradën Kampala-Gulu, një nga rrugët më të ngarkuara në vend. Dy autobusë që po udhëtonin në drejtime të kundërta u përfshinë në një përplasje ballë për ballë, ndërsa përpiqeshin të parakalonin një kamion dhe një automjet tjetër.

Sipas policisë, një nga autobusët tentoi të shmangte përplasjen, por lëvizja e tij rezultoi në një aksident zinxhir, ku u përfshinë disa automjete të tjera që humbën kontrollin dhe u përmbysën. Fillimisht u raportua për 63 viktima, por më vonë shifra u korrigjua në 46, pasi disa prej atyre që fillimisht u raportuan si të vdekur, rezultuan të ishin pa ndjenja dhe aktualisht po trajtohen në spital.

Të plagosurit janë transportuar në spitale të ndryshme në qytetin e Kiryandongos, ku po marrin ndihmën e nevojshme mjekësore. Një hetim zyrtar është hapur për të përcaktuar shkaqet e sakta të aksidentit./ Dosja.al

akident tragjik ne uganda afrike

Sondazh

Poll

MË SHUMË