Politike

"Ne jemi në krah udhëheqësve të UÇK-s"/ Mediu i kthehet Ballës: Ti as e di ku është Kosova

Mediu në fjalën e tij në Kuvend, Mediu ka deklaruar se ata janë dhe do të jenë në krah të udhëheqësve të UÇK-s.

16 Tetor 2025, 11:13 Nga I.A
"Ne jemi në krah udhëheqësve të UÇK-s"/
Fatmir Mediu

TIRANË- Deputeti i opozitës Fatmir Mediu i ka kthyer përgjigje kolegut socialist Taulant Balla në lidhje me ftesën e këtij të fundit për të marrë pjesë në protestën në mbështetje të krerëve të UÇK-s. Mediu në fjalën e tij në Kuvend, Mediu ka deklaruar se ata janë dhe do të jenë në krah të udhëheqësve të UÇK-s. Ndërkohë që në fund, i është kthyer Ballës, duke i thënë se as nuk e di se ku bie Kosova.

"Ky Kuvend nuk duhet të flasë vetëm për gjenocidin por duhet të shtojë në rezolutë edhe lirimin e liderëve të UÇK. Kam pasur nderin që i kam njohur personalisht. Ne duhet ta marrin këtë qëndrim, nuk duhet të na ndajë asnjë qëndrim politik. Ne nuk mund të jemi krah udhëheqësve të UÇK në një anë, dhe me Vuçiçin nga ana tjetër. Sot Shqipëria dhe shqiptarët kanë dy kundërshtarë, Vuçiç e Putin. Sa i përket pyetjes se ku do të jemi ne, jo si deputetë e politikanë, por si qytetar do të jem kudo, si tribunë për të marrë kredo por kudo ku flitet për lirinë e liderëve të Kosovës, Nuk të pyes ty Taulant Balla. Do të jem ku është Kosova. Nuk të marr leje ty dhe s’pres të më ftosh ti, as se ke ditur dhe as nuk e di ku është Kosova," tha Mediu./Dosja.al

fatmir mediu taulant balla seance plenare 16 tetor 2025

Sondazh

Poll

MË SHUMË