Aktualitet

Sekuestrimi i motomjeteve pas urdhrit të ndalimit! Qëndresa Qytetare proteston sot para Policisë Rrugore: Kërkojmë llogari mbi këtë aksion

Sipas organizatës, sekuestrimi i këtyre monopatinave është bërë në shkelje të hapur të ligjit, cenon pronën private si dhe i ekspozon qytetarët përballë kostove financiare të padrejta.

15 Tetor 2025, 09:12 Nga M.L
Sekuestrimi i motomjeteve pas urdhrit të ndalimit! Qëndresa Qytetare
Foto ilustruese

TIRANA- Organizata Drejtësi Sociale ka njoftuar një protestë përpara Komisariatit të Policisë Rrugore në Tiranë, duke akuzuar Policinë e Shtetit për veprime të paligjshme në lidhje me konfiskimin dhe moskthimin e motomjeteve. Protestë pritet të zhvillohet sot, në orën 10:00, përpara Policisë Rrugore në zonën e Kinostudios. Policia, me nisjen e aksionit për ndalimin e qarkullimit të këtyre mjeteve, sekuestroi disa monopatina të qytetarëve që shkelën rregullin, ky veprim sipas organizatës, sekuestrimi i këtyre monopatinave është bërë në shkelje të hapur të ligjit, cenon pronën private si dhe i ekspozon qytetarët përballë kostove financiare të padrejta.

"Me qindra monopatina u janë sekuestruar qytetarëve të Tiranës mbi bazën e një urdhri në rrjetet sociale për të cilin nuk ka asnjë shkresë zyrtare nga Ministria e Brendshme. Sekuestrimi i këtyre monopatinave është bërë në shkelje të hapur të ligjit, duke ekspozuar qytetarët përballë kostove financiare të padrejta dhe mbi të gjitha jemi në kushtet e cenimit të pronës private.

Të gjithë pronarët e motomjeteve, të gjendur para kësaj situate, nuk dinë më çfarë të bëjnë. Nëse mjeti yt është konfiskuar dhe po mbahet në mënyrë të paligjshme, të ftojmë të mblidhemi ditën e mërkurë, ora 10:00, para Komisariatit të Policisë Rrugore në Tiranë për të kërkuar llogari mbi këtë aksion të paligjshëm", njoftoi një ditë më parë Qëndresa Qytetare./ Dosja.al

Më 12 tetor, Ministria e Brendshme dhe Policia e Shtetit njoftuan ndalimin e përkohshëm të përdorimit të monopatinave elektrike që nga e hëna, për shkak të rrezikut që mbartin deri në marrjen e masave të duhura. Ky vendim ka shkaktuar pakënaqësi te qytetarët./ Dosja.al

organizata drejtësi sociale

Sondazh

Poll

MË SHUMË