Aktualitet

Dumani në Komisionin e Ligjeve: Irena Gjokën po e hetojmë, kemi një procedim penal...

Kreu i SPAK nënvizoi gjithashtu se për gjyqtaren Gjoka është regjistruar procedim penal në qershor 2025 dhe hetimet janë në fazën paraprake.

14 Tetor 2025, 21:11 Nga E. D
Dumani në Komisionin e Ligjeve: Irena Gjokën po e hetojmë, kemi
Altin Dumani

TIRANË- Kreu i SPAK, Altin Dumani u pyet në Komisiinin e Ligjeve nga demokrati Gent Strazimiri edhe për Irena Gjokën. Në përgjigje Dumani tha se gjyqtarja është nën hetim paraprak nga Prokuroria e Posaçme kundër Korrupsionit dhe Krimit të Organizuar. Kreu i SPAK nënvizoi gjithashtu se për gjyqtaren Gjoka është regjistruar procedim penal në qershor 2025 dhe hetimet janë në fazën paraprake.

Deputeti i PD, Gent Strazimiri: Ka një dënim për Irena Gjokën. PP e referoi te ju, është materie e SPAK. SPAK i di dhe i ka këto informacione. Pse nuk veproni me që i keni të dhënat, për më tepër kur keni vepruar në kohë rekord për një koleg, Luan Daci? Është pranuar dhe prej saj shkarkimi dhe s’e ka shënuar në formular, rasti është identik me Luan Dacin e s’ka asnjë masë nga ana juaj, ndërsa vijon jep drejtësi?

Altin Dumani: Është një pyetje për çështje konkrete, është në fazën e hetimit paraprak e s’japin informacion. Kemi një procedim penal të regjistruar në qershor 2025 dhe po kryejmë veprimet hetimore për këtë procedim. Rastri Luan Daci është bërë në bazë të kallëzimit të një qytetari, ka marrë kohën e vet dhe është dënuar./Dosja.al

altin dumani

Sondazh

Poll

MË SHUMË