Aktualitet

Rinisin punimet për segmentin rrugor Vorë-Ura e Dajlanit/Ja cilat akse do të bllokohen nga ora 23:00 deri në 06:00 të mëngjesit, Ministria prpozon rrugët altenative

Në njoftimin e saj thuhet se nga ora 23:00-06:00 do të ketë bllokim të qarkullimit në drejtimin Vorë-Durrës, përkatësisht në këto segmente: Vorë-Maminas, Maminas-Sukth, Sukth-Fllakë, Fllakë-Mbikalimi i Shkozetit dhe Mbikalimi i Shkozetit-Ura e Dajlanit.

14 Tetor 2025, 20:57 Nga E.d
Rinisin punimet për segmentin rrugor Vorë-Ura e Dajlanit/Ja cilat akse
Foto ilustruse

DURRËS- Ministria e Infrastrukturës dhe Energjisë përmes një njoftimi ka bërë të ditur, se cilat do të jenë akset që do të bllokohen, pasi kanë rifilluar punimet në segmentin rrugor Vorë-Ura e Dajlanit. Në njoftimin e saj thuhet se nga ora 23:00-06:00 do të ketë bllokim të qarkullimit në drejtimin Vorë-Durrës, përkatësisht në këto segmente: Vorë-Maminas, Maminas-Sukth, Sukth-Fllakë, Fllakë-Mbikalimi i Shkozetit dhe Mbikalimi i Shkozetit-Ura e Dajlanit.

Kohëzgjatja e punimeve do të jetë 1–2 ditë për çdo segment. Ndaj të gjithë përdoruesit e kësaj rruge, duhet të kalojnë në rrugën Vorë – Maminas - Katër rrugët e Shijakut - Durrës. Pas përfundimit të punimeve në krahun Vorë-Durrës, do të vijojë puna edhe në krahun tjetër Ura e Dajlanit - Vorë, sipas të njëjtave segmente dhe kohëzgjatje.

Njoftimi i Ministrisë së Infrastrukturës dhe Energjisë:

Nisur nga situata e trafikut në autostradën Tiranë - Durrës, e krijuar si rrjedhim i ndërhyrjes për riparimin e shtresave asfaltike në segmentin rrugor Vorë-Ura e Dajlanit, Autoriteti Rrugor Shqiptar në koordinim të plotë më Policinë e Shtetit kanë hartuar një Plan të ri të Menaxhimit të Trafikut. Duke filluar që sot, datë 14 tetor, nga ora 23:00-06:00 do të ketë bllokim të qarkullimit në drejtimin Vorë-Durrës, përkatësisht në këto segmente:

 • Vorë-Maminas,

 • Maminas-Sukth,

 • Sukth-Fllakë,

 • Fllakë-Mbikalimi i Shkozetit,

 • Mbikalimi i Shkozetit-Ura e Dajlanit.

Kohëzgjatja e punimeve: 1–2 ditë për çdo segment.

Të gjithë përdoruesit e kësaj rruge, në oraret e mësipërme duhet të kalojnë në rrugën alternative: Vorë – Maminas - Katër rrugët e Shijakut - Durrës. Pas përfundimit të punimeve në krahun Vorë-Durrës, do të vijojë puna edhe në krahun tjetër Ura e Dajlanit - Vorë, sipas të njëjtave segmente dhe kohëzgjatje. Ndërhyrja në këtë aks rrugor është e domosdoshme për rehabilitimin e tij, ndaj ARRSH kërkon edhe një herë mirëkuptimin e përdoruesve të rrugës dhe i fton të zgjedhin rrugët alternative për të lehtësuar këtë proces rehabilitimi!/Dosja.al

vorë-ura e dajlanit ministria 23:00-06:00

Sondazh

Poll

MË SHUMË