Aktualitet

Vrasja e gjyqtarit Astrit Kalaja/ Prokuroria e Tiranës zbardh dinamikën, 31 fishekë u gjetën në makinën e autorit

Prokuroria e Tiranës ka zbardhur mekanizmin e vrasjes, e cila ndodhi më 6 tetor në ambjentet e Gjykatës së Apelit.

14 Tetor 2025, 16:42 Nga E.d
Vrasja e gjyqtarit Astrit Kalaja/ Prokuroria e Tiranës zbardh
Foto ilustruse

TIRANË- Vrasja e gjyqtarit të Apelit, Astrit Kalaja në ambjentet e gjykatës nga autori Elvis Shkambi është zbardhur nga Prokuroria e Tiranës. Prokuroria e Tiranës ka zbardhur mekanizmin e vrasjes, e cila ndodhi më 6 tetor në ambjentet e Gjykatës së Apelit. Bazuar në pajmet e marra nga kamerat e sigurisë, autori Elvis Shkambi dhe xhaxhai i tij Gjon Shkambi së bashku me Ervis dhe Ragip Kurtaj kanë hyrë në ambjentet e sallës numër 3.

Pas shpalljes së vendimit nga Kalaja, autori i krimit të rëndë, Elvis Shkambi ka nxjerrë armën dhe ka qëlluar disa herë në drejtim të gjykatësit Astrit Kalaja. Pasi si ka lënë të palgosur gjykatësin Kalaja, Elvis Shkambi ka qëlluar disa herë drejt babë e bir Ragip Kurtajt dhe Ervis Kurtajt. Ata tentuan të largoheshin nga salla, por pumbat kanë prekur pjesë të trupit të tyre. Nga goditja me armë kanë mbetur të plagosur Ervis Kurtaj në krahun e djathtë, ndërsa Ragip Kurtaj është dëmtuar në anën e majtë të brinjëve.

Pas krimit të rëndë ku humbi jetën gjyqtari i Apelit Astrit Kalaja, policia ka sekuestruar armën e përdorur për kryerjen e krimit nga autori Elvis Shkambi. Polica ka gjetur më vonë edhe automjetin tip “Mercedes-Benz”, me targë AA900AA, në pronësi të Gjon Shkambit, ku dhe janë gjetur dhe sekuestruar 31 copë fishekë të kalibrit 9 mm.

Si ndodhi ngjarja e rëndë ?

Ngjarja ndodhi pas përfundimit të një seance gjyqësore për një çështje pronësie në Shkodër, e cila ishte në shqyrtim në Apelin e Tiranës. Mësohet se gjyqtari Astrit Kalaja kishte dhënë vendimin kundër palës së përfaqësuar nga Elvis dhe Gjon Shkambi. Menjëherë pas shpalljes së vendimit, Elvis Shkambi ka nxjerrë armën dhe ka qëlluar tre herë në drejtim të gjyqtarit, duke e goditur në gjoks dhe lënë të vdekur në vend. Gjatë të njëjtës ngjarje, janë plagosur edhe babë e bir, Rakip dhe Ervis Kurtaj, pala tjetër në proces./Dosja.al

astrit kalaja elvis shkambi gjon shkambi

Sondazh

Poll

MË SHUMË