Politike

A është 'prishur' me Adriatik Lapajn? Rrëfehet Florian Binaj: Më pyeti o vlla mos është një kamera e fshehtë! Berishës s'i kam as numrin e telefonit

I ftuar në emisionin Top Story, Binaj u shpreh se ky i fundit po e mbështet për kandidimin e tij si kryebashkiak i Tiranës, ku shtoi se i kishte kërkuar që këtë mbështjetje ta merrte edhe publikisht.

9 Tetor 2025, 22:34 Nga M.L
A është 'prishur' me Adriatik Lapajn? Rrëfehet Florian
Florian Binaj

TIRANA- Kandidati i pavarur për Bashkinë e Tiranës, Florian Binaj foli sot për marrëdhënien e tij me kryetarin e Lëvizjes Shqiperia Bëhet, Adriatik Lapaj. I ftuar në emisionin Top Story, Binaj u shpreh se ky i fundit po e mbështet për kandidimin e tij si kryebashkiak i Tiranës, ku shtoi se i kishte kërkuar që këtë mbështjetje ta merrte edhe publikisht.

Aktori i njohur foli më tej se përsa i përket mbështetjes të papritur që mori nga Partia Demokratike dhe Kryetari i tij, Sali Berisha, ku u shpreh se nuk e dinte që do e merrte këtë përkrahje duke shtuar se nuk do të dalë në fushatë me asnjë nga kryetarët e partive.

“Nuk kam folur as me Berishën, as me djalin e tij, nuk kam as numrat e tyre. Edhe Lapaj më pyeti o vlla mos është një kamera e fshehtë, se ne do të mbështetim. I thashë të më mbështesni dhe publikisht. Pastaj doli dhe Berisha, përkrahja e tij dhe e gjithë demokratëve, ndryshoi rrjedhën. Nuk do dal në fushatë me të, në asnjë mënyrë. Me asnjë kryetar të asnjë partie opozitare nuk do dal në fushatë. Ata janë mbështetës, nuk janë propozues. Do krijoj një ekip të specializuar për cdo sector. Bashkia përdoret si makineri votash për qeverinë, dhe qeveria po ashtu për bashkinë. Ca tepron pastaj mbetet për qytetarët,” tha Binaj.

florian binaj adratik lapaj sali berisha

Sondazh

Poll

MË SHUMË