Politike

"Të duket shaka politika?", Florjan Binaj tregon pse iu 'fut kësaj rruge': Kam ngrënë edhe dru ndonjëherë, ishte thirrje e brendshme...

 Ai tregoi se vendimi për t’u vetëshpallur kandidat për kryebashkiak të Tiranës erdhi si rezultat i mbështetjes së familjes, miqve dhe shoqërisë, por edhe si reflektim i një ndjenje personale për drejtësi, që sipas tij e ka ndjekur që në moshë të vogël.

9 Tetor 2025, 22:05 Nga M.L
"Të duket shaka politika?", Florjan Binaj tregon pse iu 'fut
Florian Binaj

TIRANA- Aktori i njohur dhe tashmë kandidati i pavarur për Bashkinë e Tiranës, Florian Binaj, ka folur për herë të parë rreth vendimit të tij për t’u futur në garën politike. I ftuar në emisionin Top Story, Binaj u shpreh se për të, politika duhet të jetë një instrument për zgjidhjen e problemeve të qytetarëve, e jo një burim i tyre. Ai tregoi se vendimi për t’u vetëshpallur kandidat për kryebashkiak të Tiranës erdhi si rezultat i mbështetjes së familjes, miqve dhe shoqërisë, por edhe si reflektim i një ndjenje personale për drejtësi, që sipas tij e ka ndjekur që në moshë të vogël.

-Të duket shaka politika?

Binaj: Jo është mjet për të zgjidhur problemet, por kohët e fundit edhe për të shkaktuar problemet.

-E vërteta e kanditimit tënd kush është?

Binaj- Kjo është një thirrje e brendshme e imja, që kur kam qenë fëmijë kam kërkuar drejtësi, më ka shoqëruar të gjithë jetën. Angazhimi im në protesta ka qenë i gjithmonshëm. Kam ngrënë edhe dru ndonjëherë. Angazhimi im ka qenë gjithmonë, edhe pse jo gjithmonë i dukshëm. Gjithë grupi familjar, shoqëror më thonin: O Flor po ti pse nuk e provon? Kushtet e deshën që në këto ditë të merrja një vendim aspak të lehtë, se ka shumë përgjegjësi, në fillim rrethi im prisja të thoshte: Po cpate? Por në fakt u bënë krah menjëherë dhe të gjithë po më thonin ishte gjëja e duhur në momentin e duhur se partitë opozitare hapën krahun dhe e lanë sheshin e valles bosh që dikush ta marrë përsipër. Unë dola që të ndizja dhe tek të tjerë që të kishte sa më shumë opsione. Më mirë që qytetari të përfaqësojë qytetarin, se një qytetar që paguhet nga qeveria për qytetarin.

florian binaj

Sondazh

Poll

MË SHUMË