Bota

Kryeministrja e parë femër në Japoni! Trump e uron pa i përmendur emrin: Lajm i shkëlqyer për popullin japonez, urime të gjithëve

Sanae Takaichi është zgjedhur kryetare e Partisë Liberal Demokrate (LDP) dhe pritet të betohet së shpejti si kryeministrja e re e Japonisë. Me këtë emërim, 64-vjeçarja do të bëhet gruaja e parë që mban postin më të lartë qeveritar në historinë e vendit.

7 Tetor 2025, 20:13 Nga M.L
Kryeministrja e parë femër në Japoni! Trump e uron pa i
Sanae Takaichi

SHBA- Presidenti amerikan Donald Trump ka përgëzuar politikanen nacionaliste dhe ultrakonservatore japoneze, Sanae Takaichi, e cila është zgjedhur kryetare e Partisë Liberal Demokrate (LDP) dhe pritet të betohet së shpejti si kryeministrja e re e Japonisë. Me këtë emërim, 64-vjeçarja do të bëhet gruaja e parë që mban postin më të lartë qeveritar në historinë e vendit.

Në një postim në platformën e tij Truth Social, Trump shkroi: Japonia sapo ka zgjedhur kryeministren e saj të parë femër, një person shumë i respektuar me mençuri dhe forcë të madhe. Ky është një lajm i shkëlqyer për popullin e jashtëzakonshëm të Japonisë. Urime të gjithëve! 

Megjithatë, ai nuk përmendi emrin e Takaichit në mesazhin e tij. Duke reaguar ndaj urimit, Takaichi u shpreh në platformën X (ish-Twitter) se ndjehej “shumë e kënaqur” nga fjalët e Trump.

“Shpresoj vërtet që do të punojmë me Presidentin Trump për të forcuar më tej aleancën tonë dhe për të promovuar një Indo-Paqësor të lirë dhe të hapur,” shkroi ajo.

Emërimi i Takaichit ka tërhequr vëmendje të gjerë ndërkombëtare, jo vetëm për përkatësinë e saj politike konservatore, por edhe për simbolikën historike që mbart fakti se do të jetë gruaja e parë në krye të qeverisë japoneze./ Dosja.al

donald trump sanae takaichi

Sondazh

Poll

MË SHUMË