Politike

"Do të dëmshpërblehen qindarkë për qindarkë"/ Rama: Të gjithë ata që kanë humbur banesat dhe bagëtitë duhet të jenë të qetë

Sipas Ramës dëmshpërblimi i qytetarëve do të bëhet përmes një akti normativ të qeverisë që do të dalë së shpejti.

4 Tetor 2025, 09:45 Nga E. D
"Do të dëmshpërblehen qindarkë për
Edi Rama

TIRANË- Kryeministri Edi Rama duke prezantuar projekti e ri për mbrojtjen civile deklaroi se të gjithë ata që kanë humbur banesat dhe bagëtitë duhet të jenë të qetë, pasi do të dëmshpërblehen qindarkë për qindarkë. Sipas Ramës dëmshpërblimi i qytetarëve do të bëhet përmes një akti normativ të qeverisë që do të dalë së shpejti.

"Angazhimi moral dhe ligjor lidhur me banesat dhe krerët e humbur të bagëtive do të mbahet pikë për pikë. Është inventari i plotë dhe të gjithë ata që kanë humbur banesat apo krerë bagëtish duhet të jenë të qetë sepse me kalimin e aktit normativ të qeverisë së shpejti do të dëmshpërblehen qindarkë për qindarkë. Kjo është shumë e rëndësishme që të gjithë të nisin dhe të mendojnë për të marrë masa për tu përfshirë në skemën e re të sigurimit të shtëpive nga fatkeqësi natyrore.

Gjë që do ta sanksionojmë edhe me ligj. Kemi mbetur i vetmi vend që nuk e ka një ligj të tillë duke i dhënë mundësi të gjithëve që për një kontribut modest të mund të jenë të siguruar nga fatkeqësitë. Këtu nuk është fjala vetëm për shtëpitë, por është fjala edhe për sipërmarrjet njësitë  e biznesit që duhet të sigurohen edhe nga përmbytjet”, tha Rama./Dosja.al

edi rama

Sondazh

Poll