Aktualitet

U vetëplagos aksidentalisht me armë zjarri/ Policia zbardh dinamikën e ngjarjes: Në pranga 36-vjeçari, i dëmtuar dhe shoku i tij që fshehu u pistoletën

Mësohet se ngjarja ka ndodhur në orët e para të mëngjesit të kësaj të premteje, 3 tetor, në lagjen “Hajro Çakërri” në Vlorë tek vendi i quajtur “shkallët e varrezave të dëshmorëve”.

3 Tetor 2025, 14:55 Nga E. D
U vetëplagos aksidentalisht me armë zjarri/ Policia
foto ilustruese

VLORË- Një ngjarje e rëndë ka ndodhur ditën e sotme, ku si pasojë një 36-vjeçar është vetëplagosur aksidentalisht me armë zjarri. Mësohet se ngjarja ka ndodhur në orët e para të mëngjesit të kësaj të premteje, 3 tetor, në lagjen “Hajro Çakërri” në Vlorë tek vendi i quajtur “shkallët e varrezave të dëshmorëve”.

Policia sqaron se rreth orës 02:40, në Spitalin Rajonal Vlorë u paraqit i plagosur në këmbë me armë zjarri, 36-vjeçari me iniciale O.A. Nga kqyrja e pamjeve të kamerave të sigurisë, rezultoi se ngjarja ka ndodhur në lagjen “Hajro Çakërri”, tek vendi i quajtur “shkallët e varrezave të dëshmorëve”, ku 36-vjeçari ishte vetëplagosur aksidentalisht me armë zjarri të llojit pistoletë.

Gjithashtu, u konstatua se në momentin e ngjarjes ka qenë i pranishëm edhe shoku i tij, shtetasi G. M., 42 vjeç, banues në Vlorë, i cili pas ngjarjes ka kryer veprime për fshehjen e armës së zjarrit dhe së bashku me të dëmtuarin, nuk kanë kallëzuar ngjarjen. Për pasojë policia ka vënë në pranga 36-vjeçarin dhe shokun e tij.

Njoftimi i Policisë: 

Arrestohen 36-vjeçari i dëmtuar dhe shoku i tij që fshehu armën e zjarrit dhe nuk kallëzoi ngjarjen. Më datë 03.10.2025, rreth orës 02:40, në Spitalin Rajonal Vlorë është paraqitur i plagosur në këmbë me armë zjarri, shtetasi O. A., 36 vjeç, banues në Vlorë, i cili ndodhet jashtë rrezikut për jetën.

Nga veprimet e shpejta hetimore të kryera nga Seksioni për Hetimin e Krimeve në Komisariatin e Policisë Vlorë, si dhe nga kqyrja e pamjeve të kamerave të sigurisë, rezultoi se ngjarja ka ndodhur në lagjen “Hajro Çakërri”, tek vendi i quajtur “shkallët e varrezave të dëshmorëve”, ku 36-vjeçari ishte vetëplagosur aksidentalisht me armë zjarri të llojit pistoletë.

Gjithashtu, u konstatua se në momentin e ngjarjes ka qenë i pranishëm edhe shoku i tij, shtetasi G. M., 42 vjeç, banues në Vlorë, i cili pas ngjarjes ka kryer veprime për fshehjen e armës së zjarrit dhe së bashku me të dëmtuarin, nuk kanë kallëzuar ngjarjen.

Në vijim të veprimeve procedurale, u bë arrestimi në flagrancë i të dy shtetasve:
• O. A., për veprën penale “Armëmbajtja pa leje”;
• G. M., për veprat penale “Armëmbajtja pa leje”, “Moskallëzim i krimit” dhe “Veprime që pengojnë zbulimin e së vërtetës”. Punohet për gjetjen dhe sekuestrimin e armës së zjarrit të përdorur në ngjarje. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme./Dosja.al

policia e tiranes

Sondazh

Poll

MË SHUMË