Aktualitet

Gazetari italian zbulon bisedën me anëtarin e Ndraghetas: Mafia Shqiptare, 'do të jenë zotër të Europës'

Sipas tij këto grupe kanë strukturim në territore me 30, 40, 50 anëtarë, të cilët kanë një aftësi shpërbërjeje të menjëhershme dhe të shpejtë.

25 Shtator 2025, 17:52 Nga E. D
Gazetari italian zbulon bisedën me anëtarin e Ndraghetas: Mafia
 Nello Trocchia

ITALI- Gazetari italian Nello Trocchia ka treguar bisedëm me anëtarin e Ndraghetas. Në një intervistë për SYRI.TV, Trocchia thekson se mafia Shqiptare do të jenë zotër të Europës. Më tej Gazetari nënvizon se mafia shqiptare sot përfaqëson në Europë një fuqi kriminale që nuk ka më asgjë për t’i pasur zili as vetë ’Ndranghetës’. Sipas tij këto grupe kanë strukturim në territore me 30, 40, 50 anëtarë, të cilët kanë një aftësi shpërbërjeje të menjëhershme dhe të shpejtë.

Nello Trocchia: Mafia shqiptare sot përfaqëson në Europë një fuqi kriminale që nuk ka më asgjë për t’i pasur zili as vetë ’Ndranghetës’, e cila është organizata mafioze më e madhe dhe më e fuqishme ndërkombëtare, sidomos në nivel europian. Për mafian shqiptare kishte nevojë të rrëfehej për shkak të karakteristikave, të veçantisë, të elementeve dalluese, duke filluar nga ndërtimi dhe struktura e saj, që nuk është piramidale por me qeliza, dhe kujton një përvojë italiane barbare dhe të tmerrshme: Brigate Rosse, pra një formë terrorizmi mafioz e pushtetit kriminal, që ngjan me atë të brigadistëve. Pse? Sepse janë të përbërë me qeliza. Ka një strukturim në territore me 30, 40, 50 anëtarë, të cilët kanë një aftësi shpërbërjeje, pra të zhdukjes së menjëhershme dhe të shpejtë.

Këtë fakt e kam vërtetuar edhe nëpërmjet punës së kryer nga drejtësia mbi mafiet tradicionale. Një ish-boss i “mafias foggiane” më ka treguar se në vitet 2000, kur kanë pasur rastin të hyjnë në kontakt me pjesë të krimit shqiptar, kanë parë se në momentin kur lindnin mosmarrëveshje, ata kishin aftësinë të zhdukeshin në mënyrë të menjëhershme. Kjo i bën të pakapshëm, i bën të aftë të shpërndahen në territorin europian e jo vetëm, dhe tashmë, një tjetër element që më ka shtyrë të merrem me mafian shqiptare, është kontrolli i porteve, të cilat janë qendrore në rrugët e narkotrafikut. Prokurori i Napolit, Nicola Gratteri, i cili në një intervistë tregon që ka kaluar vite në Kalabri dhe ka studiuar ’Ndranghetën, më thotë qartë se sot mafia shqiptare arrin të bashkëpunojë në mënyrë të barabartë me ’Ndranghetën. Një bashkëpunëtor i drejtësisë nga një prej familjeve më të fuqishme të ’Ndranghetës, familjes Mancusi, më tregon qetësisht: “Do të jenë zotër të Europës”.

 nello trocchia

Sondazh

Poll

MË SHUMË