Sport

Campos tregon arsyen e lamtumirës së Gigi Donnarummas: "Ai donte shumë para, te PSG-ja aktuale ylli është klubi"...

Menaxheri parizien: "Ne kemi marrë kohën tonë për të vlerësuar situatën e tij, por politika jonë nuk ndryshon për asnjë lojtar të vetëm."

19 Shtator 2025, 18:48 Nga DOSJA
Campos tregon arsyen e lamtumirës së Gigi Donnarummas: "Ai donte

FRANCE - Transferimi i Gianluigi Donnarumma nga Paris Saint-Germain te Manchester City ishte një nga më të rëndësishmit e afatit kalimtar të verës 2025, një lëvizje surprizë për ‘Qytetarët’ dhe një lëvizje mjaft e diskutueshme për PSG-në. 

Luis Campos, këshilltari i futbollit te klubi parizien, e shpjegoi vendimin si më poshtë: "Një kombinim rrethanash çoi në këtë vendim. Politika jonë bazohet në meritë; fiton më shumë kur e meriton dhe kur luan. Ne morëm kohë për të diskutuar situatën e Gigios. Për më tepër, nëse nuk do të kishim qenë në gjendje të arrinim një marrëveshje me të, do të ishim të detyruar të gjenim zgjidhje të tjera (dhe në fakt, PSG bleu Chevalier nga Lille)".

Campos më pas, duke folur për RMC Sport, shpjegon: “Kur dikush kërkon një pagë në nivelin e PSG-së së vjetër dhe jo të PSG-së aktuale... stabiliteti i klubit tonë nuk do të ndryshojë nëse një lojtar dëshiron të jetë ndryshe, ne do ta mbrojmë klubin. Me këtë politikë, të gjithë e kuptojnë se nuk është e kaluara juaj që ju bën titullar. Ylli është klubi, i gjithë grupi. Kjo është politika jonë.”

B.T (Dosja.al)

Sondazh

Poll

MË SHUMË