Politike

Altin Dumani rendit tre problematikat që përballet SPAK: Mbingarkesa procedurale, infrastruktura dhe mungesa e stafit

Në një takim me institucionet e drejtësisë, Dumani deklaroi se pavarësisht arritjeve që kanë, SPAK përballet me sfida të shumta. 

19 Shtator 2025, 12:05 Nga I.A
Altin Dumani rendit tre problematikat që përballet SPAK: Mbingarkesa
Altin Dumani

TIRANË- Kryeprokurori i SPAK Altin Dumani ka treguar tre problematikat që po përballet SPAK aktualisht. Në një takim me institucionet e drejtësisë, Dumani deklaroi se pavarësisht arritjeve që kanë, SPAK përballet me sfida të shumta. 

Sipas tij, tre nga sfidat më të mëdha janë mbingarkesa procedurale, mungesa e stafit dhe infrastruktura e dobët. 

"Në kohën kur besimi te drejtësia është i brishtë dhe pritshmëritë janë të larta, veprimet e SPAK janë mbështetur në ligj dhe parime. SPAK është zotuar për luftën kundër korrupsionit dhe krimit të organizuar duke rritur kështu besimin. Pavarësia dhe llogaridhënia janë shtyllat kryesore ku mbështetet SPAK. Kushtetuta garanton pavarësinë e jashtme dhe të brendshme të SPAK. Prokurorët veprojnë dhe marrin vendime të pavarura të paanshme. Kodet etike janë mure mbrojtëse ndaj çdo presioni dhe ndikim politik apo mediatik. Pavarësisht arritjeve, SPAK përballet edhe me sfida, ku veçojmë mbingarkesën procedurale, pamjaftueshmërinë stafit dhe infrastrukturën”, tha Dumani.

altin dumani

Sondazh

Poll