Politike

Hodhën shishe uji dhe Kushtetutën drejt Ramës, Bardhi e Kreka përjashtohen 10 ditë nga parlamenti

Mësohet se e njëjta masë është vendosur nga Komisioni dhe për deputetin demokrat Fidel Krekën. 

19 Shtator 2025, 11:00 Nga I.A
Hodhën shishe uji dhe Kushtetutën drejt Ramës, Bardhi e Kreka
Kuvendi

TIRANË- Komisioni i Etikës ka vendosur përjashtimin me 10 ditë të kryetarit të grupit parlamentar të PD-së Gazment Bardhi nga Kuvendi. Mësohet se e njëjta masë është vendosur nga Komisioni dhe për deputetin demokrat Fidel Krekën. 

Dy deputetet demokratë hodhen shishe ujë edhe librin e Kushtetutës në drejtim të Ramës, pasi ky i fundit vendosi që të mbyllte seancën plenare dhe të kalonte programin qeverisës pa debat. 

Çfarë ndodhi në seancën e djeshme?

Programi qeverisës i Partisë Socialiste për 4 vitet e ardhshme u miratua në mënyrë të njëanshme në Kuvend. Kjo për shkak të debateve që nisën, për fjalën që mbajti produkti i Inteligjencës Artificiale 'Diella' si Ministre. Deputetët demokratë janë ngritur në këmbë duke kundërshtuar dhe kjo ka sjellë në ndërprerje të seancës plenare për 5 minuta. Në rifillimin e Kuvendit, kreu i grupit parlamentar të PD-së Gazment Bardhi ka kërkuar fjalën për procedurë, por nuk është lejuar nga kryetari i Kuvendit. Me urdhërin e kryeministrit Rama, maxhoranca ka kaluar në votim programin qeverisës si dhe dekretet e tij./Dosja.al

gazment bardhi fidel kreka

Sondazh

Poll

MË SHUMË