Politike

‘Dosja Rama-McGonigal nuk mbulohet me pluhur’/ Bardhi të hënën në SPAK: Të hënën do ju sjell fakte të reja

Në një postim në Facebook, Bardhi shkruan se si kallëzues zyrtar i çështjes pranë SPAK, të hënën do t’u dorëzojë prokurorëve të posaçëm informacionin e ri të publikuar nga autoritetet amerikane.

5 Shtator 2025, 13:48 Nga I.A
‘Dosja Rama-McGonigal nuk mbulohet me pluhur’/ Bardhi të
Gazment Bardhi

TIRANË- Deputeti i Partisë Demokratike Gazment Bardhi ka reaguar pas publikimit të dhënave të reja nga DASH lidhur me aferën Rama-McGonigal. Në një postim në Facebook, Bardhi shkruan se si kallëzues zyrtar i çështjes pranë SPAK, të hënën do t’u dorëzojë prokurorëve të posaçëm informacionin e ri të publikuar nga autoritetet amerikane. Informacionet e reja të publikuara nga auroritetet amerikane, Bardhi i ka cilësuar si një ‘këmbanë alarmi’ për SPAK.

Postimi i Plotë:

Publikimi i dosjes me të dhëna të reja për aferën Rama-McGonigal nga Departamenti Amerikan i Drejtësisë, është më së shumti një këmbanë alarmi për Prokurorinë e Posaçme se kjo çështje nuk do mund të lihet kurrë në harresë. Si kallëzues i kësaj afere në SPAK, të hënën do t'i paraqes zyrtarisht prokurorëve të posaçëm të dhënat e reja të bëra publike nga Departamenti i Drejtësisë në SHBA, me shpresën se ky zhvillim i ri atje do të heq pluhurin nga dosja penale në Shqipëri.

Gjithashtu, në përputhje me të drejtat që më njeh ligji procedural penal, do të rikërkoj informacion mbi hetimin e kësaj çështje dhe veprimeve hetimore që janë zhvilluar gjatë kësaj kohe, duke shpresuar se këtë herë SPAK nuk do të më ndalojë me vendim publikimin e informacionit. Qytetarët kanë të drejtë të kenë transparencë të plotë mbi këtë hetim dhe ecurinë e tij. Askush nuk mund të trajtohet si i paprekshëm dhe mbi ligjin.

gazment bardhi

Sondazh

Poll

MË SHUMË