Politike

Berisha: Shën Nënë Tereza i dha nder emrit shqiptar, i dha nder çdo njeriu të qytetëruar mbi tokë

Duke folur në konferencë me gazetarët Lideri i opozitës u shpreh se ajo sot është frymëzim për virtytet më të larta të njeriut.

5 Shtator 2025, 12:54 Nga E. D
Berisha: Shën Nënë Tereza i dha nder emrit shqiptar, i dha nder
Sali Berisha

TIRANË- Kreu i Partisë Demokratike Sali Berisha theksoi se Shën Tereza i dha nder emrit shqiptar dhe çdo njeriu të qytetëruar mbi tokë me sakrificën dhe veprimtarinë e saj. Duke folur në konferencë me gazetarët Lideri i opozitës u shpreh se ajo sot është frymëzim për virtytet më të larta të njeriut.

"Sot është dita e shenjtërimit të Nënë Terezës, Shën Terezës, nobelistes shqiptare, e cila me virtytet më të larta shpirtërore, ia doli të pushtojë mendjet dhe zemrat e mbarë shqiptarëve. Të shenjtërohet për së gjalli.
Të bëhet një hyjni, aq sa është nëna për çdo individ. Shën Tereza, apo Shën Nënë Tereza i dha nder emrit shqiptar, por i dha nder çdo njeriu të qytetëruar mbi tokë me sakrificën dhe veprimtarinë e saj. Ajo sot është frymëzim për virtytet më të larta të njeriut," tha Berisha. 

sali berisha

Sondazh

Poll

MË SHUMË