Politike

"Në Shqipëri do të prodhohen autobusë për fëmijë", Rama: Për pak ditë nis zbatimi i projektit "Qytetet inteligjente"! Do monitorohen me kamera rrugët dhe shkollat

Rama tha se Shqipëria do të prodhojë edhe makina ushtarake dhe uniforma.

4 Shtator 2025, 21:45 Nga r.ll
"Në Shqipëri do të prodhohen autobusë për
intervista

TIRANË- Kryeministri Edi Rama ka deklaruar mbrëmjen e sotme se në Shqipëri do të prodhohen autobusë për fëmijë. Rama tha në Opinion se Shqipëria do të prodhojë edhe makina ushtarake dhe uniforma.

 “Ne do prodhojmë makinat tona ushtarake dhe do t’i shesim botës makina ushtarake. Shteti shqiptar, Ministria e Mbrojtjes që dikur hidhte në erë njerëz sepse demontonte municione me fëmijë skllevër në një fabrikë vdekjeje dhe lejonte trafiqe, Ministria e Mbrojtjes do të jetë bashkëpronare e gjithë kësaj industrie dhe shteti shqiptar do fitojë para nga kjo industri. Ne do të prodhojmë të gjitha llojet e uniformave për të gjitha llojet e trupave. Më në fund do t’i prodhojmë pa tendera. Kompani vetëm me shtet-privat. Kompania jonë ka një emër të bukur, quhet Guna”, tha ai.

Më tej kryeministri bëri me dije se për ditë nis projekti i "qyteteve inteligjente". Me këtë projekt, Rama tha se do të jetë e mundur që rrugët dhe shkollat të monitorohen me kamera. 

"Prej 3 vitesh gjatë sezonit të verës nuk pastrojnë me forcat e tyre por me forcë mbështetëse nga qeveria.  Prandaj plazhet dhe rrugët janë më të pastra. Por qeveria nuk i mban dot duart shqipove të Shqipërisë, Kosovës dhe Maqedonisë së Veriut. Për pak ditë do fillojme zbatimin e projektit të "qyteteve inteligjente" dhe monitorimin e rrugëve me kamera. Do shohim kush hedh plehrat. Do monitorohen shkollat dhe klasat. Kush mungon e kush jo.", tha Rama.

edi rama

Sondazh

Poll

MË SHUMË