Politike

"15 kompanitë do të vijojnë operimet në mënyrë të njëjtë"/ Balluku: Operatori i ri i Ujit nga janari 2026

Ndërkohë që në fund, Balluku theksoi se këto kompani më pas do të bëjnë ndarjen në dy njësi, njëra për mirëmbajtjen dhe tjetra për faturim-arkëtim.

3 Shtator 2025, 12:07 Nga I.A
"15 kompanitë do të vijojnë operimet në
Belinda Balluku

TIRANË- Zëvendëskryeministrja, njëherësh Ministër i Infrastrukturës dhe Energjisë, Belinda Balluku ka deklaruar se ngritja e Operatorit Kombëtar të Ujit do të nisë nga muaji Janar i vitit 2026. Gjatë fjalës së saj në prezantim, Balluku theksoi se 15 kompanitë që janë aktualisht në punë do të vijojnë operimet në mënyrë të njëjtë. Ndërkohë që në fund, Balluku theksoi se këto kompani më pas do të bëjnë ndarjen në dy njësi, njëra për mirëmbajtjen dhe tjetra për faturim-arkëtim.

"Në përmbyllje të ngritjes së Operatorit të ri që do fillojë në janar 2026, do nisim nga puna për fazën e tretë, që duhet të jetë operacionale në janar të 2027. Për të kthyer të 15 kompanitë, që do të vijojnë operimet në mënyrë të njëjtë, pa i ndryshuar asgjë pa u prekur, këto kompani më pas do të bëjnë edhe ndarjen në dy nukla njëra që do merret me mirëmbajtjen dhe tjetra me faturim arkëtim e gjithcka tjetër. Duke përmbyllur kështu një rrugëtim të gjatë që ka patur momente të mira, momente kritike.

Ne vendosemi para sfidave të vazhdueshme e diskutojmë shpesh rastin e Golemit, që është një zonë e investuar në mënyrë intensive. Por kur është investuar në Golem është investuar për 30 mijë banorë, por shkon edhe në 300 mijë banorë që duhet të shërbehen. Janë lajme të mira për turizmin, por që peshojnë mbi supet e sektorit të ujësjellës kanalizimeve," tha Balluku.

belinda balluku

Sondazh

Poll

MË SHUMË