Aktualitet

Ishte shpallur në kërkim për ryshfet, vetëdorëzohet në polici punonjësi i IMT-së Klajdi Zhilla, paraqitet me avokatin e tij: Do sqaroj pozicionin tim!

Zhilla është shprehur se është vënë në dijeni nga media se ishte në kërkim dhe është vetëdorëzuar për të sqaruar pozicionin e tij.

30 Gusht 2025, 10:24 Nga N.F
Ishte shpallur në kërkim për ryshfet, vetëdorëzohet
Foto

TIRANË- Punonjësi i IMT-së së Tiranës, Klajdi Zhilla është vetëdorëzuar në polici. Ai ishte në kërkim pasi mori ryshfet për të mos hequr tendën e një lokali në Kombinat. Raportohet se ai është vetëdorëzuar ditën e djeshme i shoqëruar nga avokati Andi Skënderi.

Zhilla është shprehur se është vënë në dijeni nga media se ishte në kërkim dhe është vetëdorëzuar për të sqaruar pozicionin e tij. Pak ditë më parë në pranga janë vënë edhe dy punonjës të tjerë, Gerald Fuçia dhe Edmond Çela.

Arrestimi i tyre erdhi me urdhër të SPAK më 27 gusht. Ata u prangosën pas një denoncimi në polici se ata merrnin ryshfet nga biznese të ndryshme për t’i favorizuar në zaptimin e ambienteve publike, duke lejuar ndërtime të paligjshme.

Në kërkim është vënë edhe një person tjetër. Arrestimi i Fuçias dhe Çelës ka ndodhur në lokalin e ish-deputetit, Mark Frroku në Kombinat. Policia më 27 gusht gjithashtu ka vënë në pranga ish-kryeinspektorin e Inspektoratit të Mbrojtjes së Territorit (IMT) në Bashkinë Durrës, Ardian Halili. Ai akuzohet për ndërtim të paligjshëm në një zonë bregdetare në fshatin Shetaj të Ishmit. Ditën e djeshme është kryer edhe shembja e resortit pa leje.

klajdi zhilla

Sondazh

Poll

MË SHUMË