Aktualitet

Aksidenti tragjik në Greqi/ Del ekspertiza mjeko-ligjore, tre shqiptarët humbën jetën pasi makina shpërtheu në flakë! Trupat kishin lëndime të rënda në kokë, gjoks dhe bark

Trupat kishin lëndime të rënda në kokë, gjoks dhe bark, brinjë të thyera, si dhe organe të brendshme të këputura, ndërsa shoferi kishte pësuar thyerje të kafkës. Nga informacionet e deritanishme, duket se kamioni është përplasur në nga ana e karburantit të makinës, duke rezultuar në një zjarr të menjëhershëm.

20 Gusht 2025, 15:09 Nga E. D
Aksidenti tragjik në Greqi/ Del ekspertiza mjeko-ligjore, tre
pamje nga aksidenti

GREQI- Rezultatet e ekzaminimit mjeko-ligjor të trupave të tre shqiptarëve që humbën jetën të hënën pasdite, kur një kamion përplasi dy makina në autostradën Egnatia, janë tronditëse. Sipas informacioneve nga protothema.gr, autopsia e kryer zbuloi se tre viktimat ishin gjallë në kohën kur makina shpërtheu në flakë, por të plagosurit kishin humbur ndjenjat për shkak të lëndimeve të rënda nga përplasja e fortë.

Trupat kishin lëndime të rënda në kokë, gjoks dhe bark, brinjë të thyera, si dhe organe të brendshme të këputura, ndërsa shoferi kishte pësuar thyerje të kafkës. Nga informacionet e deritanishme, duket se kamioni është përplasur në nga ana e karburantit të makinës, duke rezultuar në një zjarr të menjëhershëm.

Kështu, tre personat që udhëtonin në makinë nuk vdiqën nga plagët e goditjes, por nga zjarri që shpërtheu, ndërsa konsiderohet e sigurt se në atë moment ata ishin në gjendje të fikëti dhe pa ndjenja. Lidhur me të plagosurit e mbetur, të gjithë pritet të dalin nga spitali, ndërsa shoferi bullgar do të mbahet në paraburgim deri në daljen e rezultateve të analizave toksikologjike, të cilat do të tregojnë nëse ai kishte konsumuar alkool.

Përveç kësaj, është caktuar një ekspert mjeko-ligjor në lidhje me shpejtësinë e kamionit në kohën e aksidentit. Shoferi është akuzuar për vrasje nga pakujdesia, lëndim trupor dhe drejtim të rrezikshëm të mjetit, që është një kundërvajtje, ndërsa rezultatet e analizave dhe raporti i ekspertit do të përcaktojnë nëse do të shndërrohet në krim.

aksidenti ne greqi

Sondazh

Poll

MË SHUMË