Aktualitet

Aksident në aksin Maliq-Moglicë, makina humb kontrollin dhe del nga rruga, dy të plagosur

Fatmirësisht dy të plagosurit janë jashtë rrezikut për jetën dhe nuk kanë marrë plagë të rënda.

14 Gusht 2025, 18:27 Nga N.F
Aksident në aksin Maliq-Moglicë, makina humb kontrollin dhe del nga
Foto

MALIQ- Një aksident është regjistruar pasditen e sotme në aksin rrugor "Maliq-Moglicë". Mësohet se aksidenti ka ndodhur rreth orës 17:00. Policia bën me dije se në aksident është përfshirë një automjet.

Dyshohet se makina ka humbur kontrollin dhe për pasojë ka dalë nga rruga. Fatmirësisht dy të plagosurit janë jashtë rrezikut për jetën dhe nuk kanë marrë plagë të rënda. Policia ka nisur hetimet për zbardhjen e shkaqeve që çuan në shkaktimin e këtij aksidenti.

"Maliq/ Informacion paraprak. Rreth orës 17:00, në aksin rrugor "Maliq-Moglicë", shtetasi A. D.,  43 vjeç, duke drejtuar automjetin dyshohet se ka humbur kontrollin mbi drejtimin e automjetit dhe si pasojë automjeti ka dalë nga rruga.

Nga aksidenti është dëmtuar drejtuesi i automjetit shtetasi A. D., dhe shtetasja J. D., pasagjere në automjet të  cilët po marrin mjekim në spital, jashtë rrezikut për jetën. Grupi hetimor po punon për zbardhjen e rrethanave dhe shkakut të aksidentit", thuhet në njoftimin e policisë.

aksident ne maliq

Sondazh

Poll

MË SHUMË