Politike

Dosja "Veliaj"/ Akuzohet për fshehje të të ardhurave, SPAK merr të pandehur biznesmenin Mirton Lika

Lika është një emër i ri në këtë dosje pasi më parë nuk është përmendur. Sot u mor i pandehur edhe kryebashkiaku Erion Veliaj dhe bashkëshortja e tij, Ajola Xoxa për korrupsion, fshehje të pasurisë dhe pastrim parash.

23 Korrik 2025, 10:54 Nga N.F
Dosja "Veliaj"/ Akuzohet për fshehje të të ardhurave,
Foto

TIRANË- Prokuroria e Posaçme kundër Korrupsionit dhe Krimit të Organizuar, SPAK ka marrë të panfehur biznesmenin Mirton Lika në lidhje me dosjen ‘Veliaj’. Lika akuzat për veprën e “Fshehjes së të ardhurave”.

Lika është një emër i ri në këtë dosje pasi më parë nuk është përmendur. Sot u mor i pandehur edhe kryebashkiaku Erion Veliaj dhe bashkëshortja e tij, Ajola Xoxa për korrupsion, fshehje të pasurisë dhe pastrim parash. Një ditë më parë edhe biznesmeni Elman Abule u mor zyrtarisht i pandehur për pastrim parash.

Kryebashkiaku i Tiranës Erion Veliaj u arrestua në zyrën e Bashkisë më 10 shkurt si i dyshuar për kryerjen e veprës penale të “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë), “Pastrimi i produkteve të veprës penale ose veprimtarisë kriminale” dhe “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”. Bashkëshortja e kryebashkiakut, Ajola Xoxa është lënë në masë sigurimi "detyrim paraqitje". 

Sipas SPAK nga të dhënat konkrete të mbledhura deri në këtë fazë të hetimit paraprak, në mënyrë të përmbledhur rezulton se, nga personat nën hetim, specifikisht Veliaj edhe bashkëshortja e tij është ideuar, krijuar dhe vënë në funksionim një mekanizëm që ka synuar dhe ka bërë të mundur, në praktikë, marrjen e përfitimeve të parregullta, të cilat burojnë nga fondet publike që administrohen nga Bashkia Tiranë, përmes titullarit të saj, me qëllim pasurimin personal të këtij të fundit dhe familjes së tij, përmes veprimeve të kamufluara dhe të  kundërligjshme.

mirton lika erion veliaj

Sondazh

Poll

MË SHUMË