Politike

"Qëndrimin e tij e mësova nga mediat", Lapaj: Koalicioni nuk ka pasur krisje para zgjedhjeve, gjithçka nisi ditën që daja i Shabanit tërhoqi dorëheqjen

Ai tha se e gjithë kjo ngjarje i bën të ndihen më turp dhe shtoi se nuk duhet të kishte ndodhur. 

22 Korrik 2025, 21:25 Nga r.ll
"Qëndrimin e tij e mësova nga mediat", Lapaj: Koalicioni nuk
adriatik lapaj

TIRANË- Kreu i Shqipëria Bëhet, Adriatik Lapaj u shpreh sot se krisja në koalicionin "Nisma Shqipëria Bëhet" që garoi në zgjedhjet e 11 majit, ka nisur kur daja i Endrit Shabanit vendosi të tërheqë dorëheqjen për marrjen e mandatit.

I ftuar në emisionin "Debat" në A2CNN, Lapaj mohoi të ketë pasur përplasje në këtë koalicion para zgjedhjeve parlamentare. Ndërkohë shtoi se qëndrimin e dajës së Shabanit e ka mësuar nga mediat. Ai tha se e gjithë kjo ngjarje i bën të ndihen më turp dhe shtoi se nuk duhet të kishte ndodhur. 

“Koalicioni nuk ka pasur asnjë kërcitje para zgjedhjeve për të shkuar në këtë pikë. Sigurisht që debate të vogla ka pasur. Kthesa ishte kur unë pashë në televizor që daja i Shabanit kishte dorëzuar kërkesën për të tërhequr dorëheqjen. Unë e mora vesh nga mediat.

Ne kemi marrëveshje të shkruar dhe angazhimi im publik nuk ka qenë as me Nismën Thurje, as me zotin Shabani. Ajo ka qenë deklaratë e bërë më përpara se të nënshkruhej koalicioni. Pasi e mora vesh punën e dajës në media, reagova duke i thënë: “Mbaj anë! Ose do vazhdosh me modelin që propozon daja, ose do vazhdosh me modelin tonë, që janë listat e hapura”. Kaq thashë. E gjithë kjo ngjarje na bën të ndihemi me turp. Si brez i ri nuk duhet të kishim malinjitetin brenda”, tha Lapaj.

adriatik lapaj

Sondazh

Poll

MË SHUMË