Politike

Lirimi i hapësirave publike/ Rama poston fotot: Çuna, ka ardhur koha për të jetuar me biznes, pa penguar të tjerët! Respekte për çmontimin

Rama shprehet se ka ardhur koha që pronarët e lokaleve të bëjnë biznes, pa penguar të tjerët që të jetojnë në hapësirat e përbashkëta komunitare. 

22 Korrik 2025, 21:36 Nga r.ll
Lirimi i hapësirave publike/ Rama poston fotot: Çuna, ka ardhur koha
fotot e postuara nga rama

TIRANË- Kryeministri Edi Rama ka ndarë një rrjetet e tij sociale pamje nga çmontimi i tendave të një lokali që duket se ndodhet mes pallatave.

Rama shprehet se ka ardhur koha që pronarët e lokaleve të bëjnë biznes, pa penguar të tjerët që të jetojnë në hapësirat e përbashkëta komunitare. Më herët gjatë ditës, kreu i qeverisë ka ndarë foto dhe video nga aksioni për lirimin e hapësirave publike nga bizneset e ndryshme.

POSTIMI I PLOTË: 

Çuna, ka ardhur koha për t’u tërhequr matanë kufirit të komunitetit dhe për të jetuar me biznes, pa penguar të tjerët të jetojnë në hapësirat e përbashkëta komunitare

Respekte për çmontimin

Si nisi aksioni për lirimin e hapësirave publike dhe prishjen e ndërtimeve pa leje?

Në ditët e para të muajit korrik kryeministri Edi Rama bërë një vizitë të befasishme në bashkinë e Vlorës duke kërkuar shkarkimin e drejtorëve në këtë bashki për moskompetencë e që lidhej kryesisht me atë që e cilësoi më vonë si zaptimin e hapësirave publike.

Gjatë vizitës Rama u ka bërë thirrje deputetëve në largim e atyre të zgjedhur dhe drejtuesve vendorë të dalin në terren dhe t'ju japin zgjidhjeve problemeve të qytetarëve, duke i takuar nga afër. Gjithashtu ai iu ka dhënë ultimatum që brenda dy javëve të kenë gati raportin me punën e bërë.

Ndërkohë më 8 korrik Rama ka kërkuar dorëheqjen e drejtorëve të bashkisë së Fierit dhe Durrësit në institucionet që sipas tij nuk kanë përmbushur detyrën. Gjithashtu raportohet se ka shprehur kritika të ashpra për menaxhimin e hapësirave publike të zaptuara.

Po në këto ditë të para të korrikut 2025 nisi dhe një aksion në fshatin turistik Theth në veri të vendit për prishjen e ndërtesave pa leje. Në këtë rast Rama akuzon prokuroren Elsa Gjeli se refuzoi të hapte një çështje penale kundër një biznesmeni të kallëzuar nga Policia e Shtetit për ndërtimin e një fshati të tërë turistik pa asnjë leje.

Ai theksoi se lugina e Thethit do të pastrohet nga betoni dhe do të kthehet në gjendjen e mëparshme. Gjithashtu Rama ka deklaruar se i ka kërkuar Ministrisë së Drejtësisë të paraqesë një kërkesë në Këshillin e Lartë të Prokurorisë për shkarkimin e saj.

edi rama

Sondazh

Poll

MË SHUMË