Aktualitet

Plagosja e dy personave tre ditë më parë në Sarandë, arrestohet 43-vjeçari i shpallur në kërkim, forca të shumta policie aksion për kapjen e Ramadan Zotos

Në lidhje me këtë ngjarje në kërkim janë edhe dy vëllezërit Ramadan Zoto alias Ramadan Canaj, Erjon Canaj dhe Klaus Jaçaj. Plagosja e dy personave u regjistrua rreth orës 15:00 në një lokal në lagjen nr. 3 më datë 17 korrik.

20 Korrik 2025, 11:45 Nga N.F
Plagosja e dy personave tre ditë më parë në Sarandë,
Foto ilustruese

SARANDË- Policia e Sarandë përmes një njoftimi ka bërë me dije se ka vënë në pranga 43-vjeçarin e shpallur në kërkim në lidhje me plagosjen e Gëzim Hajdarajt dhe Ernest Lamajt. I arrestuari është identifikuar si Artan Murtaj.

Në lidhje me këtë ngjarje në kërkim janë edhe dy vëllezërit Ramadan Zoto alias Ramadan Canaj, Erjon Canaj dhe Klaus Jaçaj. Plagosja e dy personave u regjistrua rreth orës 15:00 në një lokal në lagjen nr. 3 më datë 17 korrik. Gjatë një konflikti 43-vjeçari i shpallur në kërkim, Ramadan Zoto ka plagosur me armë ndaj 33-vjeçarit dhe një 25-vjeçarit. 

43-vjeçari që qëlloi me armë është në kërkim për veprën penale “Vrasja në rrethana të tjera cilësuese”, e mbetur në tentativë. Tre bashkëpunëtorët e tij janë në kërkim për veprën penale “Përkrahja e autorit të krimit”. Ndërkohë në Sarandë forca të shumta të policisë kanë blinduar qytetin për të gjetur Ramadan Zoton, i cili është me rrezikshmëri të lartë në Greqi dhe në Shqipëri.

"Në vijim të veprimeve lidhur me ngjarjen e ndodhur më datë 17.07.2025, në lagjen nr. 3, Sarandë, ku mbetën të plagosur me armë zjarri dy shtetas, specialistët për Hetimin e Krimeve të Rënda bënë ekzekutimin e urdhrit të ndalimit të lëshuar nga Prokuroria, datë 19.07.2025, për shtetasin A. M., 43 vjeç, banues në Sarandë, i shpallur në kërkim si i dyshuar për veprën penale “Përkrahja e autorit të krimit”, thuhet në njoftim.

ramadan zoto plagosje ne sarande

Sondazh

Poll

MË SHUMË