Aktualitet

EMRAT/ Të shpallur në kërkim për trafikim mjetesh dhe kultivim kanabisi, ekstradohen 3 shqiptarë

Të ekstraduarit janë të dënuar me burg për vepra të ndryshme penale, nga të cilat Hoxha për prostitucion, pastrim parash, Gropa për kultivim droge dhe S.O për trafik mjetesh motorike.

12 Korrik 2025, 15:17 Nga I.A
EMRAT/ Të shpallur në kërkim për trafikim mjetesh dhe
Foto Ilustruese

TIRANË- Tre shqiptarë janë ekstraduar nga Greqia, Belgjika dhe Serbia, pasi ishin shpallur në kërkim ndërkombëtar. Mësohet se të ekstraduarit janë Mikel Hoxha, alias Mikel Papa, Armando Gropa dhe S.O. Të ekstraduarit janë të dënuar me burg për vepra të ndryshme penale, nga të cilat Hoxha për prostitucion, pastrim parash, Gropa për kultivim droge dhe S.O për trafik mjetesh motorike.

 

Njoftimi i Policisë:

Policia e Shtetit

Ekstradohen nga Greqia, Belgjika dhe Serbia, 3 shtetas shqiptarë, të shpallur në kërkim ndërkombëtar.

Finalizimi i procedurave të ekstradimit, rezultat i bashkëpunimit konsistent të shërbimeve të Interpol Tiranës, me homologët në Athinë, Bruksel dhe Beograd. Konkretisht, u ekstraduan në Shqipëri, shtetasit shqiptarë:

-M. H. alias M. P., i kapur në Greqi, pasi Gjykata e Beratit e ka dënuar me 4 vjet burgim, për veprën penale “Pastrimi i produkteve të veprës penale ose veprimtarisë kriminale”. Ai ka investuar për blerjen e pasurive të paluajtshme dhe ka transferuar shuma të mëdha parash te të afërmit e tij, të ardhura të cilat i ka përfituar nga veprimtaria kriminale e shfrytëzimit për prostitucion, për të cilën është dënuar në Itali. Nga dënimi, shtetasit M. H. alias M. P. i duhet të vuajë 3 vjet e 9 muaj burgim;

-A. G., 40 vjeç, i kapur në Belgjikë, pasi Gjykata e Apelit Tiranë e ka dënuar me 3 vjet e 4 muaj burgim, për veprën penale “Kultivimi i bimëve narkotike”. Në vitin 2021, ai kultivoi 140 bimë narkotike Cannabis Sativa, në sipërfaqen e tokës që kishte në pronësi në fshatin Grizë;

-S. O., i kapur në Serbi, pasi Gjykata e Kukësit, në vitin 2023, i ka caktuar masën e sigurisë “Arrest në burg”, për veprën penale “Trafikimi i mjeteve motorike”. Ai akuzohet se ka trafikuar në Shqipëri, 1 automjet tip “Mercedez Benz”, të denoncuar të vjedhur në Francë.

mikel hoxha armando gropa

Sondazh

Poll

MË SHUMË